Nandrese i Goliata ty Davida satria reke niantehetse tamy i Jehovah. (1Sa 17:45) Tea i Jehovah hatoro antikagne fa mahavita miaro ty mpanompo’e iaby reke. (2Ta 16:9) Akore ty ampisehoantika fa miantehetse amy i Jehovah tika fa tsy amy ty fahaiantikagne? Intoagne misy raha telo:

• Mivavaha mateteke. Mangataha famelan-keloke amy ty hadisoagne natao’o, faie tsy ampe zay fa mila mivavake ka rehe mba hahazo hery hiatrehagne tsapa hevetse. (Mt 6:12, 13) Mivavaha mba hahazo ty fahendreagne boake amy i Jehovah naho ty tari-dala’e aloha ty hanapa-kevetse. Fa tsy tihoe boake nanapa-kevetse vaho izay mangatake ty fitahia’e.​—Jk 1:5

• Tohizo avao ty fahazara’o mamaky naho mianatse Baiboly. Mamakia Baiboly isan’andro. (Sl 1:2) Manokàgna fotoagne hisaintsaignagne ty tantara agnate Baiboly ao le ampiharo zay. (Jk 1:23-25) Magnomana soa aloha ty hanompo ndra tie fa za-draha aza rehe. Omano soa o fivoriagneo sady mandrambesa soa naho fa mivory

• Tohagno lognandro ty fandamina i Jehovah. Oriho iaby ze tari-dalagne mey ty fandamina i Jehovah. (No 9:17) Tsanogno soa o androanavi-pagnahio naho fa magnomey torohevetse ndra toromareke.​—He 13:17

ALEFASO TY VIDEO TIHOE TSY MISY ANTO’E TOKO’E HATAHORANTIKA O FAGNENJEHAGNEO, LE VALEO RETOA:

• Inogne ty raha nampatahotse i rahalahy naho i rahavave rey?

• Inogne ty nagnampe iareo tsy hatahotse?