Maro ty loza mateteke miseho amy hinane zao. Naho fa misy loza miseho, le mila alamigne soa ty fomba izaràgne ty fagnampeagne ze niazom-boigne. Noho izay areke, le nanangagne Sampan-draharaha Magnampe ze Niazom-boigne amy ty sampagne iaby ty Filan-keve-pitantanagne.

Naho fa rey ze rahalahy amo o sampan-draharaha iohoe ao tie misy loza raike miseho, le avy le mifandrambe amy ty androanavi-pagnahy amy ty toeragne misy i lozay agne iareo, mba hahafantaragne ze fagnampeagne ilae ty mpitory agne. Naho ohatse maro ty raha mila atao faie tsy vita ty mpitory an-toeragneo, le manendre rahalahy mahay soa i asay i sampagney mba hitarike ze asa mila atao. Va’e hangatake mpiasa an-tsitrapo o rahalahy reo ndra fagnomezagne voafaritse soa boake amo o mpiara-manompò. Va’e hivily ze raha paliae i niazom-boigne rey ka iareo, le hizara izay.

Maro ty soa azo naho fa manao izay. Agnisa izay retoa: Tsy montso antoke ty asa mafe anoe o rahalahio, tsy sahiran-tsaigne iareo sady tsy mandany vola naho fitaovagne. Izay ty raha miseho satria tsy manao ze tea’e hatao avao o rahalahy reo.

Hamantatse ty vola naho ty hamaro ty mpiasa an-tsitrapo ilaegne amy i fagnampeagne ze niazom-boigney o rahalahy tinendre i sampagne reo. Afake mifandrambe amy ty manam-pahefagne an-toeragne eo ka iareo. Mateteke magnampe antika o manam-pahefàgneo mba hamonjeagne malaky i niazom-boigne rey. Mangatake antika areke mba tsy le avy le hamory vola ndra handefa fagnampeagne, ndra handeha amy i toeragne misy lozay agne naho tsy tinendre hanao izay.

Faie ndra tie eo zay, le tena te hagnampe tikagne iaby naho fa misy niazom-boigne. (He 13:16) Tena teantikagne o rahalahintikagneo! Ino areke ty azontikagne atao? Ty raha tena lahibey, le ty mivavake hoahy ze niazom-boigne tamy i lozay naho i aze minday fagnampeagne rey. Afake manao fagnomezagne hoahy ty asa magneran-tane ka tikagne. Ambane ty fitariha ty Filan-keve-pitantanagne, le ty birò i sampagne ro mahafantatse soa tie aia ty soa ampiasagne i vola rey. Naho te handrambe anjara amy ty fagnampeagne ze niazom-boigne rey rehe, le fenò tihoe Fangatahana ho Mpiasa An-tsitrapo Manao Fanorenana eo An-toerana (DC-50).

ALEFASO TY VIDEO TIHOE RANOBEY NANDRAVARAVA TA BREZILA TAGNE, LE VALEO TOY:

Nandamigne fagnampeagne ze niazom-boigne ty Vavolombelo i Jehovah tafara i tondra-drano tamy 2020 ta Brezily tagney. Ino tamy io ro mampieke azo?