“Tena mahafale i Jehovah o vahoa’eo.” (Sl 149:4) Ndra tie tsy voririke tikagne le vazoho’e ty toetse soantika naho ty raha ho vitantika. Faie misy fotoagne sarotse amantikagne ty mahatrea ty toetse soa anagnantika. Va’e hahatsapa ho tsy misy dika’e ka tikagne noho ty raha atao ty hafa amantika. Ndra ka va’e hifantoke amy ty fahadisoagne nataontika taloha, sady hisalasala naho tena tea antikagne vata’e ty Jehovah. Ino ty raha afake magnampe antikagne naho mahatsapa hoe ireo tikagne?

Tsiarovo fa tsy mitovy amy ty antikagne ty fomba fivazohoa i Jehovah raha. (1Sa 16:7) Ty dika izay, maro ty raha vazoho i Jehovah amantikagne. Soa avao fa magnampe antika hahatakatse ty fomba fihevera i Jehovah antikagne o Baibolio. Misy andinin-teny naho tantara maro azontikagne ianaragne ty agnate’e ao manoro antika fa tea i Jehovah vata’e o mpanompo’eo.

HENTEO TY VIDEO TIHOE OMEO TOKY AGNATREHA I JEHOVAH EO TY FO’O, LE VALEO RETOA:

• Ino ty ianarantika boake amy i fagnoharagne miomba i ajalahy nanao korsa laỳ naho i baba’e, miomba ty fomba fivazohoa i Jehovah antika?

  Ty hamalea’o aze

• Naho fa nanao raha mba hilongoa’e soa amy i Jehovah ty ndaty raike nanao fahotagne lahibey, le akore ty agnomea’e toky ty fo’e fa tea aze vata’e ty Jehovah?​—1Jn 3:19, 20

  Ty hamalea’o aze

• Nagnino ro nandrambe soa i rahalahỳ naho fa namaky sady nisaintsaigne ty tantara i Davida naho i Josafata?

  Ty hamalea’o aze