Nanao sorogne ty fiai’e ho ahy ty ndaty tsy voririke ty Jesosy. (Ro 5:8) Azo antoke fa fale tikagne tsikiraidraike satria tena tea antikagne ty Jesosy kanao nahafoe ty fiai’e ho antikagne. Faie tsy toko’e hohalignontikagne fa mate ho ahy ty rahalahintikagne ka ty Kristy. Akore ty anehoantikagne hatea manahake i Kristy amo o rahalahintikagneo naho o rahavaventikagne tsy voririke reo? Misy fomba telo azontikagne anehoagne izay. Voaloha’e, azontikagne atao ty minamagne amy ty ndaty iaby fa tsy ze mitovy amantikagne avao. (Ro 15:7; 2Ko 6:12, 13) Faharoe, toko’e hitao tikagne mba tsy hirehake ndra hanao raha va’e hahaboseke ty hafa. (Ro 14:13-15) Fahatelo, naho misy ndaty manota amantikagne, le toko’e hamela ty helo’e malaky tikagne. (Lk 17:3, 4; 23:34) Naho mikezake hanahake i Jesosy tikagne, le hilamigne naho hiharo saigne i fiangonagney sady ho tahie i Jehovah.

HENTEO TY VIDEO TIHOE MIKEZAHA HO SOA TOETSE!, LE VALEO RETOA:

• Nanao akore ty nifahatreava i Miki i fiangonagne nifindra’ey tamy ty voaloha’e?

• Faie nagnino ro niova ty fahatreava’e i fiangonagney naho fa tafara atoy?

• Nagnino ty modely i Jesosy ro nagnampe i Miki hagnitsy ty fomba fiheve’e?

• Nagnino ty Ohabolana 19:11 ro magnampe antika mba hanagne fomba fihevetse soa miomba ty mpiharo finoagne amantikagne?