Nandily ze mpanonjohy ty lia’e ty Jesosy mba handeha hanao mpianatse. (Mt 28:19) Tafilitse amy izay ty mitory naho mampianatse. Saintsaigno areke zao: ‘Ino ty azoko atao mba hagnasoako ty fahaiako mitory naho mampianatse?’

Tsy maintsy mandeha mipay ze ndaty “mendreke” tikagne fa tsy handigne iareo hagnatogne antikagne. (Mt 10:11) Mirehake amy ze ndaty ‘treantikagne’ vao tika naho fa manompo? (As 17:17) Ty fazotoa i Paoly nitory ty nahavy i Lydia nanjare mpianatse. —As 16:13-15.

HENTEO TY VIDEO TIHOE “TOHIZO LOGNANDRO TY FANOMPOA’O”: FITORIAGNE TSY MIFAMOTOAGNE NAHO FITORIAGNE ISAN-TRAGNO, LE VALEO RETOA:

• Ino ty mampiseho fa nazoto nanondrake ty voa i hamarenagney ty Samoela tamy ty fiaigna’e andavanandro?

• Nagnino tikagne ro tsy toko’e ho kivy fa hanao avao ze karazam-pitoriagne iaby?

• Ia ty azo’o irehafagne ty hafatse miomba i Fanjakagney amy ty fiaigna’o andavanandro?

Tsy mametrake boke ndra bokekele ndra gazete amy i ndatỳ eo avao tikagne naho te hanao mpianatse. Mba hahavy iareo handroso ara-pagnahy, le tsy maintsy miheregne mitilike sady mampianatse iareo Baiboly tikagne. (1Ko 3:6-9) Faie ino ty toko’e hatao naho mikezake mafe tikagne mampianatse o ndatio ty maregne miomba i Fanjakagney, faie tsy le misy voka’e fire? (Mt 13:19-22) Toko’e hikezake lognandro tikagne hipay ze ndaty managne toe-po hoe “tane soa.”—Mt 13:23; As 13:48.

HENTEO TY VIDEO TIHOE “TOHIZO LOGNANDRO TY FANOMPOA’O”: FITORIAGNE AMY TY TOERAGNE MARO NDATY NAHO MITARIHA FAMPIANARAGNE BAIBOLY, LE VALEO RETOA:

• Ino ty natao i Toliasie naho i Soaranoe mba hanondrahagne ty voa ty hamarenagne tam-po i Ezekiela mirovaly ao?

• Ino ty toko’e ho tanjontikagne naho fa manao i karazam-panompoagne maro rey, agnisa izay ty fitoriagne amy ty toeragne maro ndaty?

• Akore ty ampisehoantikagne fa mifantoke amy ty fampianaragne i hamarenagney tikagne?