NAGNINO ZAY RO TENA ILAEGNE? I Jehovah ty mampitombo ty voa ty hamarenagne am-po ty ndaty “managne toe-po soa mba hahazoagne havelogne nainai’e.” (As 13:48; 1Ko 3:7) Miara-miasa ama’e tika, naho fa mikezake mifantoke amy ze ndaty te hampihatse ty raha ianara’e. (1Ko 9:26) Mila taka iareo fa ilaegne ty badisa mba hahazoagne famonjeagne. (1Pe 3:21) Ampeantika hanao fiovagne amy ty fiaigna’e, hitory naho hampianatse vaho hanokan-tegna ho ahy i Jehovah i mpianatse Baibolỳ. Handroso reke amy izay.—Mt 28:19, 20.

AKORE TY HANOAGNE AZE?

• Tiahivo i mpianatse Baibolỳ fa ty hagnampeagne aze ‘hahafantatse’ naho hanao ze raha mampifale i Jehovah ty anto’e ianaragne Baiboly.—Jn 17:3

• Ampeo iareo hanao fandrosoagne ara-pagnahy, le hahatohetse raha sarotse agnisa izay ty fahazaragne raty naho ty naman-draty

• Hatanjaho naho ampaherezo iareo, aloha naho afara ty badisa iareo.—As 14:22

HENTEO TY VIDEO TIHOE HAGNAMPE AZO TY JEHOVAH ANDRIANAGNAHARE, LE VALEO RETOA:

• Ino ty mahavy ty ndaty ila’e misalasala hanokan-tegna naho hatao badisa?

• Akore ty azo ty androanavi-pagnahy agnampeagne ty mpianatse Baiboly mba handroso ara-pagnahy?

• Ino ty ianarantika miomba i Jehovah boake amy ty Isaia 41:10?

• Inogne iaby ty toetse hagnampe antika hanompo i Jehovah amy ty fomba ankasitraha’e ndra tie tsy voririke tikagne?