Naho fa niavy an-tane etoy ty Jesosy, le nihamafese’e ty lily tihoe toy: “Hajao ty rae’o naho ty rene’o.” (Ek 20:12; Mt 15:4) Nalio ty eretsere’e tie nirehake izay satria ‘nankatò i baba’e naho i rene’e’ reke tamy ie mbe kedey. (Lk 2:51) A nanao akore reke naho fa nihabey, le fanta’e fa ho mate reke? Natao’e ze hahavy an-drene’e ho voakarakara soa.—Jn 19:26, 27.

Magnaja ty rae aman-drene’e ka ty tanora kristiana, naho mankatò iareo sady mirehake ama’e am-pagnajagne. Toko’e hagnaja ty rae aman-drenentikagne lognandro tika, ndra fire taogne ndra fire taogne. Ndra tie fa antetse iareo, le mbe mahasoa antikagne ty fahendrea iareo. (Oh 23:22) Magnaja iareo ka tika, naho mikarakara iareo sady magnampe iareo amy ze raha ilae’e. (1Ti 5:8) Mila mifampirehake soa amy ty rae aman-drenentikagne tika ndra mbe kede ndra fa bey, ho fagnajantikagne iareo.

HENTEO I VIDEO SARESARE TIHOEY AKORE TY HIREHAFAKO AMY I BABA NAHO I NENE?, LE VALEO RETOA:

• Nagnino ro va’e ho sarotse ama’o ty mirehake amy ty rae aman-drene’o?

• Akore ty hagnaja’o ty rae aman-drene’o naho fa mirehake amy iareo rehe?

• Nagnino rehe ro toko’e hikezake hifampirehake amy ty rae aman-drene’o? (Oh 15:22)