FIAIGNANTIKA KRISTIANA
Hasoao ty Fanompoa’o: Ajanogno i Fianaragney Naho fa Tsy Mandroso i Mpianatsey
NAGNINO ZAY RO TENA ILAEGNE?: Tsy maintsy mitoka ty tahina i Jehovah ty ndaty raike vaho izay ho voavonje. (Ro 10:13, 14) Faie tsy ze mianatse Baiboly ro mampihatse ty raha ianara’e. Ze te hampifale i Jehovah naho ze vognogne hiova areke ro tena ampeantikagne, mba tsy ho montso avao ty fotoagne anompoantikagne. Faie akore naho tsy mandroso ty ndaty raike, ie amy izao fa ela tikagne ro nampianatse aze? Aleo mifantoke amy ze taone i Jehovah hagnarine aze naho ty fandamina’e. (Jn 6:44) Akore naho miova i ndatỳ naho fa afara atoy, le trea tie ‘managne toe-po soa mba hahazoagne i havelogne nainai’ey’? Afake mampianatse aze ndraike tikagne.—As 13:48.
AKORE TY HANOAGNE AZE:
-
Derao reke noho i reke te hahafantatse ty maregne.—1Ti 2:4
-
Anò azo’e soa fa tena ilaegne ty mampihatse ze raha ianaragne.—Lk 6:46-49
-
Rehafo ama’e i fagnohara i Jesosy miomba i mpitongỳ. Agnonteneo reke tie, ino ty mikalagne aze tsy handroso. Mikezaha ho soa fagnahy naho fa manao izay.—Mt 13:18-23
-
Hazavao tie, nagnino i fianaragney ro ajano’o. Filio soa ty rehake ho rehafe’o mba tsy ho boseke reke
-
Rehafo tie hitilike aze avao rehe mba hampahery aze. Ampahafantaro aze ka tie afake mianatse ndraike nareo naho fa mikezake handroso reke
HENTEO I VIDEOY, LE VALEO RETOAGNE:
-
Ino ty porofo fa tsy mampihatse ze raha ianara’e i mpianatsey?
-
Ino ty natao i mpitorỳ mba hahatakara i mpianatsey tie mila miova reke?
-
Ino ty nirehafe i mpitorỳ mba ho azo i mpianatsey tie mbe afake mianatse ndraike reke naho fa vognogne?