Mirehake ty fanompoa i Jesosy tamy ty faritse i Galilia ty Matio toko 8 naho 9. Nampiseho ty heri’e reke naho fa nagnasitragne ndaty. Trea boake amy irey ka fa tea naho nitrétré reke sady izay ro tena lahibey.

1. Nagnasitragne i boka raikey ty Jesosy.—Mt 8:1-3

2. Nisitragne’e ty mpanompo ty manamboninahitse raike.—Mt 8:5-13

   Nisitragne’e ka i rafoza i Petera ampelay.—Mt 8:14, 15

   Nandroake demonia naho nagnasitragne ze nijale reke.—Mt 8:16, 17

3. Nandroake i demonia mahery bey rey ty Jesosy, le nanjilike aze tamy i lambo rey tao.—Mt 8:28-32

4. Nagnasitragne i ndaty nalemey reke.—Mt 9:1-8

   Nagnasitragne i ampela raike nikasike i akanjo’ey reke, sady nanangagne i anak’ampela i Jairoy tamy ty mate.—Mt 9:18-26

   Nampahatreave’e indraike ty ndaty goa sady nampirehafe’e ty moagne.—Mt 9:27-34

5. Nitety tanàgne ndra bey ndra kede ty Jesosy sady nisitragne’e ze karazan’aretegne naho ze karazan-kandra.—Mt 9:35, 36

Ino ty azoko atao mba hampisehoagne fa tea naho mitrétré ty ndaty hafa raho?