Teà ty rae aman-drene kristiana naho mba manjare mpanompo i Jehovah tsy mivalike ty ana’e. Ino areke ty azo iareo atao? Mila rehafe’e mateteke amy ty ana’e amy ireke mbe kedey ty fampianara ty Baiboly. (De 6:7; Oh 22:6) Mila kezake mafe boake amy ty rae aman-drene i raha zay faie tena andrambesagne soa.—3Jn 4.

Modely ho ahy ty rae aman-drene ty Josefa naho i Maria. Teà iareo hifandrambe soa tamy i Jehovah i ana iareo rey, le ‘nandeha mba Jerosalema mbeo isan-taogne’ iareo “tamy ty fete i Pasakey.” (Lk 2:41) Tsy mora i raha zay sady nandany vola, faie le natao iareo avao. Toko’e hagnomey ohatse soa ho ahy ty ana’e ka ty rae aman-drene sady toko’e hampianatse iareo isake tie misy hirike hanoagne izay. Hagnampe iareo handroso ara-pagnahy naho ho matotse zay.—Sl 127:3-5.

HENTEO TY VIDEO TIHOE EKEO ZE TOMBOTSOAM-PANOMPOAGNE AVY EO!, LE VALEO RETOA:

• Ino ty magnaporofo fa tsy natao i Jon naho i Sharon ambanen-draha ty fanompoagne i Jehovah, tamy ty iareo niteza i ana iareo rey?

• Nagnino ro toko’e hatao mifagnarake amy ty tao i ajajay ty raha ampianaregne aze naho ty fomba agnitsiagne aze?

• Ino ty toko’e hatao ty rae aman-drene mialoha mba hagnomanagne ty ana’e hiatreke fitsapagne?

• Inogne amo o fitaovagne naboa i fandaminagne reo ty fa nampiasae’o mba hagnampeagne ty ana’o ho nama i Jehovah?