NAGNINO ZAY RO TENA ILAEGNE? Misy efatse ambifolo ty taratasy nisorate i Apostoly Paoly mba hampaherezagne o mpiara-manompò. Raike amy izay ty Korintianina voaloha’e. Afake mifily ze rehake tea’e ampiasaegne ty ndaty raike naho fa manoratse taratasy sady afake mameremberegne mamaky aze i ndatỳ. Ahafahagne mitory amy ty longo ndra amy ty ndaty tsy le mifankazatse amantikagne, ndra amy ze tsy afake mifampirehake amantikagne mivantagne ka io. Ohatse, ty ndaty tsy zoe an-tragno, ndra mipetrake agnate tragno abo bey, ie amy zao misy mpiambegne ty amy i tragnoy eo, ty ila’e ka misy manda ty tragno’e, ndra amy ty toeragne mitokagne ty misy aze. Ino ty raha mila tadidiegne naho fa hanoratse amy ty ndaty hoe rey?

TY FOMBA FANOAGNE AZE:

• Rehafo ze raha tea’o hambara ama’e. Ambarao aze am-panomboha i taratasi’oy ty agnara’o, ty anto’e mahavy azo manoratse ama’e. Mametraha fagnonteneagne eretserete o ndatio, le atorò aze ty adiresentika amy internet ao. Atorò aze ty fandaharagne Fianaragne Baiboly atao an-tragno agne. Mirehafa foto-kevetse tsiampeampe boake amy ty boke fianaragne Baiboly ampiasaentika. Asio raha azo vakiegne i taratasỳ. Ohatse, karatse jw.org, fanasagne ndra taratasy milimpy

• Fintigno avao ty raha sorate’o amy izay i ndatỳ tsy malaigne naho fa hamaky aze.—Henteo i taratasy modelỳ

• Hamaregno soa tsy hisy diso ty fomba fanora’o sady toko’e ho mora vakiegne i taratasy vaho tsy ho diso ty fitsipi-pitenenagne ampiasae’o. Anò tsapa i ndatỳ tie soa fagnahy rehe sady mahalala fomba. Asio timbre i valopỳ amy izay avy ama’e agne i taratasỳ