Magnampe ty ndaty hahatakatse naho hahatsiaro ty raha nianara’e ty fampiasagne raha trea maso. Nampiasa raha trea maso ty Jehovah, i Mpagnanatse Lahibey Tsy Misy hoe’ey naho fa nampianatse lesogne lahibey. (Ge 15:5; Je 18:1-6) Nanao hoe izay ka ty Jesosy, i Mpagnanatse Lahibeỳ. (Mt 18:2-6; 22:19-21) Vaho tsy ela zay, le trea fa le vata’e mahasoa ty fampiasagne video. Ampiasa’o amy ty fomba soa vao o video reo naho fa mampianatse Baiboly rehe?

Misy video folo zao naboake mba hagnampeagne antikagne naho fa mampianatse amy ty bokekele Talily Soa tikagne. Nampifandrambesegne amy ty fagnonteneagne sora matevegne amy i bokekeley ao ty loha heve i video rey. Naho amy jw.org ao o bokekele iohoe, le fa misy tohy mampiseho i video rey ty ao. Misy video fagnampe’e ty ao ampiasaegne naho fa mampianatse amy i Fitaovagne Fampianaragne isan-karaza’e rey tika.

Sarotse amy ty mpiana’o Baiboly vao ty mahatakatse foto-kevetse raike agnate Baiboly ao? Sa misy raha sarotse manokagne atrehe’e? Mipaliava video afake magnampe aze amy jw.org® ao ndra amy Tele JW® ao. Azo’areo henteagne miarake i videoy naho fa avy eo sady azo iharoagne midineke.

Misy video vaovao aboake isam-bolagne. Naho fa magnente aze rehe, le eretsereto tie akore ty azo’o ampiasagne aze naho fa mampianatse ty hafa.