FIAIGNANTIKA KRISTIANA
Hasoao ty Fanompoa’o: Mikezaha Hitory An-telefony
NAGNINO ZAY RO TENA ILAEGNE? Fomba lahibey raike ahafahagne “mitory i talily soay” ty fitoriagne an-telefony. (As 20:24) * Mbe afake mitory amo o ndatio avao tikagne, ndra tie tsy afake mifankatrea ama’e mivantagne aza.
AKORE TY FANOAGNE AZE?
-
Magnomàna. Mifiliana foto-kevetse mete soa. Sorato ze hevetse lahibey tea’o horehafegne. Naho fametrahagne hafatse an-telefony ty azo’o, le miengà hafatse magnazava ty anto’e nitokava’o. Soa naho mitoboke ambone latabatse rehe tie manao aze, le anò vognogne eo iaby ze raha ilae’o. Agnisa izay ty fitaovagne elektronike misy JW Libraray® ndra jw.org.® fa misokake
-
Mitonia soa. Mirehafa mitovy amy ty mirehake andavanandro. Mikezaha mba ho somilake naho hanao fihetseke mitovy amy ty mifankatrea maso. Ko ajanogne amy ty raha tsy le misy dika’e i rehakey. Soa naho misy mpitory hafa miarake ama’o. Naho mametrake fagnonteneagne i ndatỳ, le aheregno indraike i fagnonteneagney mba ho rey i mpitory miarake ama’oy mba hahafaha’e mipay ty vale’e.
-
Mametraha fagnonteneagne hovaleagne magnarake. Afake manao izay rehe naho liagne i ndatỳ. Azo’o rehafegne ama’e ka tie misy boke ndra gazete tea’o homeigne aze, faie halefa’o e-mail ama’e, ndra posta, ndra hatere’o an-tragno’e agne, ndra raha hafa. Ndra azo’o agnonteneagne reke naho te handefasagne video ndra lahatsoratse amy ty e-mail ndra hafatse an-telefony.
^ feh. 3 Naho azo atao ty mitory an-telefony amy ty faritse misy anareo agne, le oriho avao ty lalàna an-toeragne eo naho fa mangalake ty mombamomba i ndaty itoria’oy.
