Mandrambe anjara amy ty fampandrosoagne ty asa i Fanjakagney o rahavaveo. (Sl 68:11) Mitarike fampianaragne Baiboly maro iareo. Maro amy ty mpisava lalagne maharetse ka ty rahavave. Agn’arivo’e amo o rahavaveo ro Betelita, misionera, mpiasa an-tsitrapo amy ty asa fagnoregnagne, ndra mpanao fagnoregnagne, naho mpandika rehake. Mampahery ty keleia’e naho o fiangonagneo ka o rahavave matotseo. (Oh 14:1) Ndra tie tsy ho voatendre ho androanavi-pagnahy ndra mpagnampe amy ty fanompoagne o rahavaveo, le mbe afake magnatratse tanjogne amo o fiangonagneo eo. Naho rahavave rehe, ino ty azo’o atao mba hampitomboagne ty fanompoa’o?

• Mikezaha hanagne toetse kristiana.​—1Ti 3:11; 1Pe 3:3-6

• Ampeo ze rahavave mbe tsy ampe traikefa amo o fiangonagneo eo.​—Tit 2:3-5

• Hasoao ty fanompoa’o, le mikezaha hampitombo ty lera anompoa’o

• Mianara firehake hafa

• Dineho naho afake mifindra amy ty toeragne ilagne mpitory maro rehe

• Mikezaha hanompo amy Betela ao ndra hagnampe amy ty fagnoregnagne ty tragno i fandaminagne

• Mikezaha hagnatreke ty Sekoly ty Mpitory i Fanjakagney

ALEFASO TY VIDEO TIHOE “AMPELA MIASA MAFE AMY I TOMPO AO”, LE VALEO TOY:

• Nagnino ro mampahery azo ty raha nirehafe i rahavave tamy i video tao rey?