Managne tombotsoa bey tikagne Vavolombelo i Jehovah. Nitaogne antikagne mba hagnarine aze tamy ty alala i Ana’ey i Tompo Fara’e Amboney. (Jn 6:44) Afake magnasoa ty fifandrambesantikagne ama’e tika satria fa nanokan-tegna naho natao badisa. Mijanjigne ty vavake ataontikagne ka reke.—Sl 34:15.

Akore ty hiarovantikagne ze fifandrambesantikagne ama’e zay? Tsy toko’e hanahake o Israelitao tikagne. Nanao fifagnekeagne tamy i Jehovah iareo, faie tsy ela tafara izay iareo namboatse anak’agnombe volamena sady nanompo sampy. (Ek 32:7, 8; 1Ko 10:7, 11, 14) Saintsaigno areke zao: ‘Ino ty ataoko naho fa misy tsapa hevetse? Trea amy ty raha ataoko vao fa hasoaeko ty fifandrambesako amy i Jehovah?’ Naho tena tea i Raentikagne an-dagnitse agney tikagne, le hisintahantikagne ze raha heje’e.—Sl 97:10.

ALEFASO TY VIDEO TIHOE AROVO TY FIFANDRAMBESA’O AMY I JEHOVAH (KL 3:5), LE VALEO RETOA:

• Ino ty atao tihoe hatea mena?

• Nagnino tikagne ro tsy toko’e ho tea mena naho hanompo sampy?

• Ino ty ifandrambesa ty fijangajangagne naho ty fanompoan-tsampy?

• Nagnino o rahalahy managne andraikitseo ro toko’e hikarakara soa ze raha ilae ty vali’e?