Amo o volagne Novambrao tika hanao kezake manokagne hitoriagne i talily soa tihoey fa marine i tontolo vaovaoy. (Sl 37:10, 11; Ap 21:3-5) Soa areke naho amboare’o ty fandaharam-potoa’o mba hahafaha’o mandrambe anjara amo o kezake manokagne iohoe. Naho hanao mpisava lalagne mpagnampe rehe amo o volagne iohoe, le afake mifily ty hagnatratse 30 ndra 50 lera.

Magnomana andinin-teny raike mirehake miomba i tontolo vaovaoy mba ahafaha’o mitory amy ty ndaty maro. Dineho ty raha va’e hahaliagne ty ndaty amy i faritaney ey, le ampifagnaraho amy izay i andinin-tenỳ. Naho liagne i ndatỳ le omeo aze ty Tilikambo Fiambenana No. 2 2021. Tiliho indraike reke afara izay, le manomboha fampianaragne Baiboly amy ty bokekele Ankamamio Nainai’e o Fiaignagneo! Tena mahafale antika ty mitory i “talily soay!”​—Isa 52:7.

ALEFASO I HIRA TIHOEY ALAO SARE AN-TSAIGNE I PARADISAY, LE VALEO RETOA:

• Ino ty raha fanjaka hiseho amy ty hoavy nisaintsaigne i ajajay?

• Inogne iaby ty raha ila’e hiseho amy i tontolo vaovaoy ao fa azo’o alaegne sare an-tsaigne?

• Nagnino ro magnampe azo ho vognogne soa amy i kezake manokagne amo o Novambraoy ty fisaintsaigna’o ty raha tamae’o?​—Lk 6:45