Tea’o vao i video naho i fagnonteneagne mampisaintsaigne amy ty boke Ankamamio Nainai’e o Fiaignagneo! ao rey? Manao akore ka i fizaràgne tihoey “Misy ty Mirehake Fa”, “Anò toy” naho i “Fagnazavagne Fagnampe’ey”? Misy raha hafa trea’o magnampe vao naho fa mitarike fampianaragne Baiboly rehe?​—Mt 28:19, 20.

Lahatsoratse Naho Raki-peo Vaho Video: Naho i boke vita pirintỳ ty tea’o hitarihagne i fianaragne Baibolỳ, le ino ty toko’e hatao mba ho mora ama’o ty mahatrea i video naho i lahatsoratse vaho i raki-peo rey? Gineho ty raike amy i fizaràgne efatse amy ty endre’e elektronike amy i bokey. Ambane i lisitse i lohan-dreha i lesogne reỳ ty afake hanintonagne ty lahatsoratse naho ty raki-peo vaho ty video iaby amo o fizaràgne iohoe. (Henteo sare 1.)

“Amy ty Endre’e Sare Ndra PDF” (Mode Image): Naho mampiasa fitaovagne eletronike rehe naho fa mampianatse Baiboly i ndatỳ, le va’e hagnampe azo ty mampiasa i endre’e PDF-oy amy inareo mianatsey. Naho fa manokake ty lesogne raike rehe, le gineho i teboke telo amy fara’e ambone amy i pejey ey sady gineho i tihoey “Endre’e Sare” (Mode Image). Hagnampe azo hahatakatse ty ifandrambesa i hevetse dinehe’areoy amy i lohan-dreha i lesogney zay. Naho fa hiheregne amy i endre’e talohay rehe, le gineho indraike i teboke teloy le filiano i tihoey “Endre’e Soratse” (Mode Texte).

“Vognogne vao Raho?”: O efajoro marine ty fifaragna i bokey rehoe le magnazava ty fepetse takegne amy ty ndaty raike te hitory hiarake amo o fiangonagneo naho ze te hatao badisa. (Henteo sare 2.)

Fagnazavagne: Ahatreavagne ty fagnazavagne ty hevetse lahibey ila’e io. Misy tohy minday azo miheregne amy ty nijanogna’o amy i lesogney ty endre’e elektronike amy i bokey. (Henteo sare 2.)