FIAIGNANTIKA KRISTIANA

Ampeo ze Ndaty Tsy Mpivavake mba Hahafantatse i Mpamorogney

MANDEFA

Tsy mitory amo o ndaty tsy mpivavakeo vao rehe satria mieretseretse tie tsy hitsanogne iareo? Naho izay, le tadidio fa maro ty ndaty tsy mpivavake fa nanjare vavolombelo i Jehovah, agnisa izay o tsy mino an’Agnahareo. Mateteke mila ampeagne kede avao iareo mba hahatrea ty porofo magnamaregne ty fisian’Agnahare.—Ro 1:20; 10:14.

ALEFASO TY VIDEO TIHOE TADIDIO FA AFAKE HANAM-PINOAGNE NDRA TY NDATY TSY MANAM-PINOAGNE AZA—O NDATY TSY MPIVAVAKEO, LE VALEO TOY:

Nagnino ty tantara i Tommaso ro magnampe azo hitory amy ty ndaty tsy mpivavake avao?

Vale’e

Akore ty hanoagne aze?

Naho misy ndaty raike mirehake tie tsy mino an’Andrianagnahare, le mikezaha ho soa fagnahy naho hifily soa ty raha horehafegne. Fantaro ty raha tsapa’e naho ty raha mahaliagne aze. (2Ti 2:24) Rehafo ze foto-kevetse mahaliagne aze. Vognogne ty hiharo midineke ty porofo miomba ty fisian’Agnahare vao reke? Naho izay, le ampiasao ze fitaovagne ndra video mifandrambe amy izay. Nampidiregne ho agnisa ty Fitaovagne Fampianaragne ty bokekele tihoe Nisy Namorogne vao ze Kila Raha? naho tihoe Akore ty Nampisy Antikagne—Fagnonteneagne Dime Mila Dinehegne? amy izay ho mora trea.

Amy ty voaloha’e, le va’e ho hafahafa ama’o ty hirehake ty hamarenagne amy ty ndaty tsy mino an’Andrianagnahare. Nagnino naho mangatake fagnampeagne amy ty mpitory fa za-draha? Tadidio fa afake magnampe antikagne mba hanohigne ty fo ze ndaty managne fo soa ty Jehovah, ndra tie mbe tsy mino aze aza iareo.—As 13:48.