Indraike andro zay le nisy rahavave raike a Nouvelle-Zélande agne nagnente video tamy jw.org ao. Rehafe o video iohoe fa tsy tihoe mitretré o ndatio avao ty Jehovah fa aseho’e amy ty raha atao’e zay. (Isaia 63:7-9) Tapa-kevetse ty hampihatse ty raha nianara’e reke, le hipay fomba hagnampeagne ty hafa. Hamaray igne naho fa handeha hanao bezara reke, le nahatrea ampela tsy nanan-tragno, le niviliana’e raha hohane’e. Nandrae i ampelay. Naho fa avy niviliana’e hanegne i ampelay, le nitory kede tama’e i rahavavey, le nimea aze i taratasy milimpy tihoe tie Ombiagne o Fijaleagneo Vaho Hoafake?

Nitagny i ampelay. Nihazavae’e fa tineza tagnate ty hamarenagne tao reke faie nisintake ty hamarenagne taogne maro lasa zay. Le vaho tsy ela zay reke ro nivavake tamy i Jehovah mba hagnampe aze hiheregne. Nimea i rahavavey Baiboly reke sady nifanao fotoagne iareo fa hianatse Baiboly. a

Afake mitretré ty longontika naho o rahalahy naho rahavaveo manahake i Jehovah ka tika. Mitretré o ndatio tika naho mipay fomba hitoriagne amy iareo.