Nivakie’o soa vao i lahatsoratse tamy i Fitalakesan-davitse tamy ty taogne toy rey? Akore areke ty hamalea’o ty fagnonteneagne retoa:

Mirehake ty Jakoba 5:11 tie “bey hatea” naho “mamindra fo” ty Jehovah. Inogne ty raha atokisantika noho o rehake rehoe?

Haintika fa noho i Jehovah mamindra fo, le vognogne hamela ty hadisoantikagne reke. Magnomey toky antika ty Jakoba 5:11 fa noho i reke tena tea antikagne, le vognogne reke hagnampe antika. Toko’e hikezake hanahake aze ka tikagne.—w21.01, p. 21.

Nagnino ty Jehovah ro nagnomey fahefagne ty hafa?

Hatea ty nandrisike aze hanao izay. Noho i Jehovah nanao io, le manjare miharo saigne naho milamigne o keleia’e tsy mivalikeo. Ze keleiagne magnorike o lamigne iohoe, le mahay tie ia ty tompom-panapahan-kevetse fara’e, le ia ty hagnatanterake i fanapahan-kevetsey.—w21.02, p. 3.

Nagnino ty Kristiana ro toko’e hitao naho fa mampiasa i programa fandefasagne mesaze rey?

Naho misy ndaty raike manapa-kevetse ty hampiasa i programa rey, le mila mijobogne soa ty ndaty mifandrambe ama’e ao reke. Sarotse ty hahavitagne izay naho mizilike amy i goropy maro ty ndaty agnate’e ao rey reke. (1 Tim. 5:13) Misy raha hafa ka mila itaoagne. Agnisa izay ty fampiparitahagne vaovao tsy maregne ao, ndra mampiasa i fitaovagne rey mba hanoagne fipaliavam-bola amo o mpiara-manompò.—w21.03, p. 31.

Ino iaby ty anto’e nahavy an’Andrianagnahare nagnenga i Jesosy hijale naho hovonoegne?

Ty anto’e raike nahavy i Jesosy nipehegne tamy i oren-kataey teo, le mba hagnafahagne o Jiosio amy ty ozo i lalànay. (Gal. 3:10, 13) Ty anto’e faharoe, le fampiofagna i Jehovah aze amy ty andraiki’e amy ty maha Mpisorom-bey aze. Le intoy ty anto’e fahatelo: Ty tsy fivaliha i Jesosy amparampahafate’e le porofo tie vita o ndatio ty tsy mivalike amy i Jehovah ndra tie miatreke fitsapagne mafe aza reke. (Joba 1:9-11)—w21.04, p. 16-17.

Inogne ty azo’o atao naho tsy le zoegne an-tragno ty ndaty amy ty faritane’areo ey?

Azo’o atao ty mikezake hitory amy i ndaty rey amy ty lera va’e hahatraragne iareo an-tragno ao, ndra amy ty toeragne va’e hahatreavagne iareo. Azo’o atao ka ty mitory an-taratasy amy i ndaty rey.—w21.05, p. 15-16.

Ino ty tea i apostoly Paoly horehafegne naho fa nirehake reke tie: “Noho i raho nagnorike i lalànay ty nahafate ahy naho amy i lalànay”? (Gal. 2:19)

Nampibaribary ty tsy fahavoririha o ndatio naho nitarike o Israelio ho amy i Kristy ty Lalà i Mosesy. (Gal. 3:19, 24) Io ty nagnampe i Paoly hagneke i Kristy. Naho fa nanao izay reke, le hoe ‘nimate naho amy i lalànay.’ Tsy nifehe aze sasa i lalànay.—w21.06, p. 31.

Nagnino ty Jehovah ro fitsikombe soa ho antika amy ty fiaretagne?

Niareta i Jehovah ty fandratiratiagne i tahina’ey, ty fanoheragne ty zo’e hinday, ty fanohera ty ila’e amo o ana’eo aze, ty vande i Satana, ty fijalea o mpanompo’eo, ty tsy fahafaha’e mifandrambe amy i nama’e nimate rey, ty fampijaleagne atao amy ty hafa, naho ty fahasimbà ty raha namboare’e.—w21.07, p. 9-12.

Nagnino ty Josefa ro modely soa amy ty faharetagne?

Niaretse ty tsy rare’e natao o rahalahi’e reo tama’e reke. Noho o raha natao iareo iohoe ka ty nahavy i Josefa nisy nanao kitomboke naho ginadra tagnate ty taogne maro ta Ejipta agne.—w21.08, p. 12.

Ino i fagnezegnezegnagne agn’ohatse rehafegne amy Hagay 2:6-9, 20-22 aoy?

Tsy mandrambe ty hafatse miomba i Fanjakagney o firenenao. Faie ndra tie eo zay, le maro ty ndaty nanjare nagnorike ty hamarenagne. Tsy ho ela le ho voaezegnezegne o firenenao satria ho rava.—w21.09, p. 15-19.

Nagnino tika ro tsy toko’e ho kivy naho fa mitory?

Ty kezake ataontika ro vazohoe i Jehovah, sady tena mahafale aze. Naho tsy rokake ndra tsy kivy tika, le hahazo i havelogne nainai’ey.—w21.10, p. 25-26.

Nagnino ty Levitikosy toko 19 ro magnampe antika hampihatse i torohevetse tihoey: “Tsy maintsy masigne amy ty findesam-batagne iaby nareo”? (1 Pet. 1:15)

Va’e boake amy Levitikosy 19:2 ao ty nangalagne o rehake rehoe. Manoro antika fomba maro azo ampiharagne ty 1 Petera 1:15 amy ty fiaignantika isan’andro ty Levitikosy toko 19.—w21.12, p. 3-4.