Vakio ty Genesisy 37:23-28; 39:17–23 mba handrambesa’o lesogne boake amy ty tsy rare’e niareta i Josefa.

Dineho ty rehake magnodidigne. Ino ty nahavy o ndatio nanao tsy rare’e tamy i Josefa? (Gen. 37:3-11; 39:1, 6-10) Hatrake ombia ty Josefa ro niaretse tsy rare’e? (Gen. 37:2; 41:46) Ino ty natao i Jehovah mba hagnampeagne i Josefa tagnate o fotoagne reo, le ino ty tsy natao’e?​—Gen. 39:2, 21; w23.01 17 § 13.

Dineho ty pitsopitso’e. Ndra tie nanao kitomboke i Josefa aza i valy i Potifaray, le tsy rehafe ty Baiboly tie niaro tegna ty Josefa. Hagnampe antika hamantatse ty anto’e va’e tsy namalea i Josefa ty andine’e retoa sady hagnampe antika hahatakatse tie tsy voatere hofantantika ty pitsopitson-draha iaby. (Ohab. 20:2; Jaona 21:25; Asa. 21:37) Ino ty toetse va’e nagnampe i Josefa hahavita hiaretse tsy rare’e?​—Mika 7:7; Lioka 14:11; Jak. 1:2, 3.

Dineho ty lesogne azo’o ianaragne. Magnontenea tegna tie:

• ‘Ino ty tsy rare’e fa ampoizeko fa hahazo ahy amy ty maha mpanonjohy ty lia i Jesosy ahy?’ (Lioka 21:12, 16, 17; Heb. 10:33, 34)

• ‘Ino ty fiomanagne toko’e hataoko mba hahavitako hiaretse tsy rare’e?’ (Sal. 62:7, 8; 105:17-19; w19.07 2-7)