Va’e hosarotse amy ty ankamaroantikagne ty mitadidy ty raha nianara’e. Faie voamare’o vao fa mora tadidy ty raha nampianare i Jesosy noho ireke nampiasa fagnoharagne? Naho mangalake sare an-tsaigne ty raha nirehafe’e rehe, le hahatadidy ty raha nampianare’e. Ho mora ama’o ka ty hahatadidy ty raha ianara’o naho ala’o sare an-tsaigne. Akore ty hanoa’o izay? Manoa saresare naho fa mianatse.

Mahatsiaro soa ty raha vaovao nianara’e o ndatio mateteke naho fa atao’e saresare zay. Maro ty ndaty mahatsapa tie, tsy ty rehake amy i raha nianara’ey avao ty tadidi’e naho fa manao izay reke fa ty hevetse lahibey tao ka. Tsy tihoe sare tena miambake i sare atao iareo rey fa tsotsotra avao. Trea amy ty raha misy fa tena mandrambe soa boake amo o fomba fianatse iohoe o ndaty fa antetseo.

Naho fa hianatse rehe amy ty magnarake, le azo’o atao ty magnandragne manao saresare ty raha ianara’o. Va’e ho latsa rehe fa ho maro ty raha ho tsiaro’o naho fa manao izay rehe!