Voafetra avao ty fotoagne anagnantika mba hanoagne fianaragne raike. Faie akore ty hahavy antika tena handrambe soa amo o fotoagne iohoe? Voaloha’e, ampiasao soa i fotoagney. Handrambe soa rehe naho mianatse raha kedekede avao faie vita soa ta tie mianatse raha maro bey faie zara fa vita.

Fantaro areke ze raha tena lahibey. (Efes. 5:15, 16) Dineho ty soso-kevetse retoa:

• Mamakia Baiboly isan’andro. (Sal. 1:2) Azo atao naho i toko natao ho vakiegne amy i fivoriagne andavanandroy ty hanombohagne aze.

• Omano soa i Fitalakesan-davitse Fianaragney naho i fivoriagne andavanandroy sady magnomana toin-drehake.​—Sal. 22:22.

• Isake tie rehe manam-potoagne, le mikezaha hamaky ndra hagnente raha ara-pagnahy hafa agnisa izay ohatse ty gazete hoahy ty ndaty maro, video, naho ty raha hafa amy jw. org ao.

• Ze raha mahaliagne azo ro ianaro. Azo’o atao ty manao fikarohagne miomba ty olagne atrehe’o, ty fagnonteneagne manahiran-tsaigne azo ndra ty foto-kevetse tsy le tena mazava soa ama’o amy Baiboly ao. Hahatrea hevetse rehe naho magnente ty fizaràgne tihoe “Kilalao Ara-baiboly” amy jw.org ao.