Te handrambe soa maro boake amy ty fianaragne raike atao’o vao rehe? Hagnampe azo amy izay ty hevetse toa naho fa mianatse rehe:

• Mifiliana toeragne mete soa. Naho azo atao, le mipaliava toeragne malio naho milamigne. Afake mampiasa latabatse naho seza rehe ndra mifily toeragne mampahazo aigne soa an-tane agne.

• Mipaliava toeragne bangigne. Nivavake ‘maraindray bey’ sady tamy ty “toeragne bangigne” ty Jesosy. (Mar. 1:35) Naho tsy afake mahatrea toeragne bangigne rehe, le ampahafantaro ty keleia’o ndra ty ndaty miharo tragno ama’o ty fotoagne ianara’o raike sady rehafo iareo mba tsy hagnelengelegne azo.

• Anò ze hahavy azo tsy ho voaelengelegne. Naho mampiasa telefony ndra tablety rehe naho fa mianatse, le ko asiagne feo’e ndra anò mode avion. Sorato avao hey ze raha tsiaro’o tie toko’e hatao’o amy irehe mianatsey, le tohizo i fianara’oy. Mitofa heike ndra mangalà tiotioke naho tsy mete mifantoke rehe.