Managne andraikitse lahibey o rae aman-dreneo, le ty hampianatse ty ana iareo miomba i Jehovah. (Efes. 6:4) Mba hagnampeagne o rae aman-dreneo amy izay, le nampiboake lahatsoratse, video naho hira maro ty fandamina i Jehovah. Akore ty azo’o ampiasagne irey mba hampiofagnagne ty ana’o?

• Miziliha amy JW ORG ao, fa hotrea’o ao iaby ze raha fa naboake hoahy o ajajao, agnisa izay ohatse ty video ndra peje azo iareo anoratagne ndra anoagne saresare. a Mba hahatreava’o izay le sorato amy i fanoagne fikarohagney eo tihoe “Ajaja” ndra “Tanora.”

• Jobogno ze trea’o fa mete soa amy ty ana’o. Ambane tihoe “Ajaja” eo, le azo’o ginehegne tihoe video, hira naho ze peje trea’o fa tena hagnampe i ana’oy. Mba hahatreava’o ty raha hoe izay, le karoho tihoe “Azo Atao Fotoam-pivavahan’ny Fianakaviana.”

• Manokàgna fotoagne mba hiaraha’o midineke o raha rehoe amy ty ana’o. Tsy mete naho tihoe mba hahavy aze misy raha atao ty anto’e ampagnentea’o aze i video rey ndra i kisaresare vita pirinty rey. Soa naho iharoa’o midineke ama’e i raha rey, le ampeo reke mba hampitombo ty firagneta’e amy i Jehovah.