Nahatrea Raha Tena Soa Iareo
KRISTIANA an-tapetrisa’e ty tsy mankalaza Krismasy. Faie mahatsiaro ho mate antoke vao iareo? Mahatsiaro ho voa mafe vao ty ana iareo? Andao tikagne handineke ty raha rehafe ty Vavolombelo i Jehovah boake amy ty tane sambe hafa agne.
Eve
Mahatsiaro i Jesosy Kristy: “Naho fa Krismasy ndra Paka avao raho vaho izay mandeha miangogne, tamy iraho mbe tsy ni-Vavolombelo i Jehovah. Ndra tie niangogne aza raho, le tsy nahatsiaro i Jesosy Kristy iaby. Tsy manao Krismasy sasa raho tie amy izao, fa mivory amo o Vavolombelo i Jehovah-o agne indroe isan-keregnandro. Iraho aza mampianatse ty miomba i Jesosy Kristy.”—EVE, OSTRALIA.
Reuben
Manolotse fagnomezagne: “Tena fale raho naho fa mea o ndaty fagnomezagne amy i fotoagne tsy ampoizekoy. Iraho ka toe tea raha tampotampoke! Teako ka ty manao karta ndra sare hoso-doko hoahy o ndatio. Tena fale iareo tamy izay, iraho ka tena fale.”—REUBEN, IRLANDY AVARATSE.
Emily
Magnampe ze sahiragne: “Tea’ay ty mahandro hoahy o marareo. Indesa’ay folera ndra bonbon ndra fagnomezagne kedekede ka iareo kindraike, amy izay mba falefale. Ndra aleo’ay izay satria afake mitilike iareo avao zahay ndra ombia ndra ombia.”—EMILY, OSTRALIA.
Wendy
Miarake amy ty keleiagne: “Milamigne soa ty fotoagne ifankatreava’ay amy ty keleia’ay. Manjare fanta ty ana’ay soa ty dadatoa’e naho ty nenitoa’e naho ty ana iareo naho ty dadabei’e vaho ty bebei’e. Tsy mahatsiaro ho voateretere zahay satria tsy misy date voafaritse tsy maintsy iaraha’ay. Fanta o longo’ay io ka fa tea’ay iareo kanao zahay mitilike iareo.”—WENDY, TOKONOSE CAIMANS.
Sandra
Miadagne: “Hoe maro bey zay ty raha atao naho fa Krismasy le zara’e naho misy mieretseretse ty hisia o fiadanagneo. Faie mahatsiaro ho maivankivagne raho tie amy izao satria mahafantatse ty fampitamà ty Baiboly. Fantako fa ho sambatse o anakò amy ty hoavy.”—SANDRA, ESPAIGNE.
