MIAMBENA LOGNANDRO!
Ty Taogne 2022: Taogne Nifeno Raha Nampinekoneko Naho Nampikorotan-tsaigne: Ino ty Raha Rehafe ty Baiboly?
Tamy taogne 2022 igne, le ty aly, ty olagne ara-toe-karena naho ty fahasimba o tontolo iaignagneo avao ty mateteke nirehafe o vaovaò. Ty Baiboly avao ro afake magnazava ty dika i raha niseho rey.
Ty dika i raha niseho tamy 2022 rey
I raha niseho tamy i taon-dasagney ty mampiseho fa miaigne amy ty vanim-potoagne atao ty Baiboly tihoe “andro fara’e” tikagne. (2 Timoty 3:1) Nanomboke tamy ty taogne 1914 o vanim-potoagne iohoe. Mifagnarake amy ty raha fa nirehafe ty Baiboly mialoha ty raha miseho amo o andro iaignantikagne zao. Intoagne misy ohatse niseho vaho tsiela:
“Aly.”—Matio 24:6.
“Aly Avao ty Niaigna ty Ndaty a Eropa ao Tamy ty Taogne 2022.” a
Henteo ty lahatsoratse tihoe “Manafike Ukraine ty Rosia.”
“Keré.”—Matio 24:7.
“Ty Taogne 2022 ty Taogne Naha Keré ty Ndaty Magneran-tane.” b
Henteo ty lahatsoratse tihoe “Vao Mainke Mihatsiampe ty Hanegne Magneran-tane Noho ty Fisia i Aly a Ukraine Agney.”
“Arete-manjamagne.”—Lioka 21:11.
“Niheregne indraike i aretegne polioy, nanjare olagne bey ty aretegne azo boake amo o biby manahake o mankigne agn’ala agneo. Teo ka i COVID-19-oy nanimba raha maro. Trea tie feno arete-manjamagne sady malaky mifindra ty amy izao. Ireo ka ty ahatreavagne fa tena maleme o ndatio.” c
Henteo ty lahatsoratse tihoe “Ndaty 6 Tapetrisa ty Nimate i COVID-19-oy.”
“Raha mampatahotse.”—Lioka 21:11.
“Tarignandroke mipisampisagne, hamain-tane, afo nandravarava naho ranobey. Ireo ty nahatsiarovagne ty taogne 2022 naho ty toe-tsandro ro rehafegne. Anketse’e ty ndaty nimate sady an-tapetrisa’e ty ndaty tsy nanan-kitsolohagne.” d
Henteo ty lahatsoratse tihoe “Trea Magneran-tane ty Fipisampisa o Tarignandrokeo.”
“Korontagne.”—Lioka 21:9.
“Noho o ndatio boseke amo o olagne ara-toe-karenao, lohotsie fa ty fiakara o vilim-piaignagneo, le tena nihamitombo ty goreve natao o ndatio amo o fanjakagneo tamy ty taogne 2022.” e
Henteo ty lahatsoratse tihoe “Mihasarotse ty Vilim-piaignagne Magneran-tane.”
Hanao akore ka ty amo o taogne 2023?
Tsisy amantikagne ty afake hirehake ty raha hiseho amy ty taogne 2023 tiagne. Fa ty raha fantantikagne le tihoe, tsy ho ela i Fanjakàn’Andrianagnaharey ndra i fanjakagne an-dagnitse agney, le hinday fiovagne bey an-tane etoy. (Daniela 2:44) Hagnafake ze kila raha mahavy o ndatio hijale o fanjakagne iohoe, sady hanao ty zoton’arofon’Andrianagnahare an-tane etoy.—Matio 6:9, 10.
Mandrisike azo zahay mba hagnorike i toroheve i Jesosy Kristỳ sady “hiambegne lognandro” satria magnatanterake ty faminania ty Baiboly ty raha miseho magneran-tane. (Marka 13:37) Mandrisike azo zahay mba hifandrambe ama’ay satria hatoro’ay azo tie, afake magnampe azo manomboke amy izao ty Baiboly sady magnomey fampitamaegne fanjaka miomba ty hoavy ho anareo kelein-draike.
a AP News, “2022 Was Year the Horror of War Returned to Europe,” nisorate i Jill Lawless, tamy 8 Desambra 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” nisorate i Lawrence O. Gostin, JD, tamy 22 Septambra 2022.
d Earth.Org, “What’s Behind the Record-Breaking Extreme Weather Events of Summer 2022?” nisorate i Martina Igini, tamy 24 Oktobra 2022.
e Carnegie Endowment for International Peace, “Economic Anger Dominated Global Protests in 2022,” nisorate i Thomas Carothers naho i Benjamin Feldman, tamy 8 Desambra 2022.
Va'e ho Tea'o Ka
VALEM-PAGNONTENEAGNE ARA-BAIBOLY
Ino ty Famantaragne i “Andro Fara’ey” ndra i “Fara Androy”?
Nirehake mialoha fisehoan-draha maro hiarake hiseoh amantaragne ty andro fara’e ty Baiboly.
ESSENTIAL BIBLE TEACHINGS
Inogne o Fanjakàn’Andrianagnahare Zao?
Tamy ty fanompoagne natao i Jesosy, le ty Fanjakàn’Andrianagnahare ty foto-keve ty fampianara’e. Tagnate ty taogne maro, le nangatake ty hiavia o Fanjakagne iohoe ze mpanonjohy ty lia’e.
FAMPIANARAGNE BAIBOLY
Nanomboke Ninday ty Fanjakàn’Andrianagnahare Tamy 1914
Fa 2 500 taogne lasa zay ty nagnomean’Andrianagnahare faminaniagne miomba i mpanjaka raike mahery tanterake amy izaoy.
MIOMBA ANAY
Hangatake Hotilihegne
Miharoa midineke miomba ty Baiboly ndra ianaro soa ty miomba ty Vavolombelo i Jehovah.
