Amy ty fanomboha ty taogne 2023 toy zao, le mitamà tikagne tie mba hihasoa ty fiaignantika naho ty fiaigna ty keleiantikagne. Faie ino ty hagnampe antikagne hanan-draha tamaegne avao?

 Izao ty talily soa rehafe ty Baiboly: Tsy ho ela, le tsy hisy sasa o olagne atrehentikagne amy izaò. Naho ty maregne, o Baibolio le “sinoratse mba hianarantikagne, mba hanan-draha tamaegne tikagne, satria ... magnomey fampionognagne antikagne ty Soratse Masigne.”​—Romanina 15:4.

•   Naho mipay fagnazavagne fagnampe’e miomba ty raha ampitamae ty Baiboly rehe, le vakio ty lahatsoratse tihoe “Mbola Hihatsara ve ny Fiainana Amin’ny Hoavy?”

 “Vatofantsike ty aintikagne” ty raha ampitamae ty Baiboly. (Hebreo 6:19) Mahavy antikagne ho tony o raha ampitamae’e iohoe satria magnampe antikagne naho fa miatreke olagne tikagne. Mahavy antikagne hifantoke amy ty raha soa naho ho sambatse nainai’e ka io. Intoagne misy ohatse:

•   Nagnampe ty lahilahy raike nanagne fahazaran-draty ty fampitamae ty Baiboly. Henteo ty video tihoe Nihejeko ty Fomba Fiaignako.

•   Afake magnampe antikagne ty fampitamae ty Baiboly naho fa misy longo tsy foentrontikagne nimate. Henteo ty video tihoe Fampaherezagne Hoahy ze Nimate Longo.

 Maro ty ndaty mitamà raha soa, faie tsy azo iareo antoke tie ho avy eo vao i raha tamae iareoy. Faie tsy hoe izay ty raha ampitamae ty Baiboly. Ty anto’e, boake amy i Jehovah Andrianagnahare a i “tsy mahay mandagnitsey” ty raha ampitamae ty Baiboly. (Titosy 1:2) I Jehovah raike avao ty managne hery hagnatanterahagne ze raha nampitamae’e. Afake “manao ze raha mahafinaritse” aze reke.​—Salamo 135:5, 6.

 Tena tea’ay handrambe soa boake amy i fanantenagne azo antoke amy i Baiboly aoy rehe. Hatoky ze raha rehafegne ao rehe naho “mandineke soa ty Soratse Masigne.” (Asan’ny Apostoly 17:11) Oharo moa i fianaragne Baiboly miarake amy ty ndaty mpampianatsey! Ho soa fanombohagne vata’e ty taogne 2023 toy naho manan-draha tamaegne rehe!