Ty fahatsapagne ho irerike, le agnisa ty olagne ara-pahasalamagne tena nipaliavagne vahaolagne tamy i taogne 2023-y. Faie tena azo atao vao ty mandrese ty fahatsapagne ho irerike?

•   Hoe ty dokotera raike mpandrasa atao tihoe Vivek Murthy, a Etazonia agne toy: “Va’e hisy voka’e lahibey amy ty fahasalamantikagne naho hahavy antika tsy ho falefale ty fivìbihagne naho fa itika mahatsiaro ho irerike. Faie misy raha azo atao mba handreseagne aze. Tsy inogne zay fa ty fikezahagne hanao raha lognandro mba hagnamafesagne ty fifandrambesagne amy ty hafa.” a

 Ndra tie fa miarake amy ty hafa aza tika le va’e mbe hahatsapa ho irerike avao. Faie ndra akore ndra akore ty fomba isehoa’e, le afake magnampe avao ty Baiboly. Misy torohevetse maro azo ampiharegne ty ao manoro ty fomba azo agnamafesagne ty fifandrambesagne amy ty hafa. Hagnampe antika tsy hahatsiaro ho irerike ze torohevetse rey zay.

 Mikezaha hahay hifampirehake amy ty hafa. Manao izay rehe naho mirehake ze raha tsapa’o amy ty hafa faie mikezake mba hahay hitsanogne iareo ka. Arakarake ty ipaliava’o ze raha mahasoa ty hafa ty vao mainke hahamafe ty fifandrambesa’areo.

•   Toro lala ty Baiboly: “Ko mipay ze raha hahasoa ty tegna’areo avao, fa paliao ka ze raha hahasoa ty hafa.”​—Filipianina 2:4.

 Miragneta amy ty ndaty sambe hafa. Mikezaha mba hiragnetse amy ty ndaty tsy mitovy taogne ama’o, ndra tsy mitovy fiaviagne ama’o ndra tsy mitovy kolontsaigne ama’o.

•   Toro lala ty Baiboly: “Halalaho ty fo’areo.”​—2 Korintianina 6:13.

 Naho te hahazo fagnazavagne fagnampe’e miomba ty fomba hagnamafesagne ty fifandrambesagne amy ty hafa rehe, le vakio ty lahatsoratse tihoe “Te Hahazo Namana Tsara ve Ianao?”