Vaho tsiela le nirehake ty heve’e miomba ty raha vita o Intelligence Artificielle-io a (IA) ty mpitondra magneran-tane naho ty mpahay siansa vaho o mpahay teknolojiao. Miéke iareo tie tena paliaegne io, faie matahotse ka iareo kera hisy ndaty hampiasa aze amy ty fomba raty.

•    Hoe ty Kamala Harris, prezidà adzoin i Etazonia, tamy 4 Mey 2023: “Agnisa ty teknolojia fara izay ty soa amy hinane zao ty Intelligence Artificielle, sady va’e hahavita hagnasoa ty fiaigna o ndatio. ... Faie va’e vao mainke hampitombo ty olagne amy ty fiarovagne amo o lozao naho amo o ndaty ratio ndra ka hagnambanembane ty zo o ndatio hanao raha ila’e naho ty fiaigna’e manokagne, sady hampihegne ty finoa o ndatio naho ty fatokisa’e o demokrasiao o Intelligence Artificielle-io.”

•    Izao ty nisorate ty vondrogne iraisam-pirenena raike misy dokotera naho manam-pahaiagne miomba ty fitsaboagne, tarihe i dokotera Frederik Federspiel, tamy ty lahatsoratse raike niboake tamy 9 Mey 2023, tamy BMJ Global Health ao b: “Ndra tie hagnasoa raha amo o fitsaboagneo eo aza o Intelligence Artificielle-io, le atahoragne hagnoho-doza amy ty fahasalamantika ara-batagne naho ara-pihetseham-po.”

•    “Izao ty rehafe ty gazete The New York Times, tamy 1 Mey 2023: “Fa azo o ndatio ampiasaegne mba hampiparitahagne fagnazavagne diso o Intelligence Artificielle-io. Fa tsy ho ela areke, le ho vita io ty hagnafoagne ty asa ty ndaty ila’e. Matahotse ty ndaty ila’e miasa mifandrambe amo o teknolojiao fa va’e hagnoho-doza o ndatio o Intelligence Artificielle-io amy ty hoavy.”

 Mbe hotreantikagne eo avao tie hampiasaegne mba hagnampeagne o ndatio vao o Intelligence Artificielle-io sa hampiasaegne mba hagnoho-doza. Ino ty raha rehafe ty Baiboly?

 Atoro ty Baiboly tie nagnino ro tsy vita o ndatio ty magnomey toky fa raha soa avao ty ampiasagne o teknolojia vaovao isan-karaza’e forògne iareò.

1.  1. Va’e ho soa ty fagniria ty ndaty raike naho fa hanao raha raike reke, faie tsy taka’e tie va’e hisy voka’e raty i raha ignehoe naho fa afarafara ao.

   •    “Misy lalagne eretserete o ndatio tie mete, faie miafara amo o fahafatezagneo agne.”​—Ohabolana 14:12.

2.  2. Naho fa misy raha forògne ty ndaty raike, le tsy ho voafehe i namorogne azey ty hampiasà ty ndaty hafa aze, ndra reke hampiasae’e amy ty fomba soa ndra raty.

   •    “Tsy maintsy hengako [ty asako] hoahy ze ndaty handimbe ahy. Fanta ia moa tie ho hendre ndra ho gege ze ndaty zay? Izaho namono tegna niasa mafe sady nampiasa ty fahendreako iaby, ie amy izao ndra ie ro hanjaka amy ze raha iaby azoko tambane masoandro etoy.”​—Mpitoriteny 2:18, 19.

 Atoro ze raha rezay tie mipay ty tari-dala i Mpamorogne antikay tika.

 Mampitamà i Mpamorogne antikay fa tsy hisy ndaty ndra teknolojia niforògne o ndaty henga’e hamoteke ty tane toy naho o ndatio.

•    “Haharetse nainai’e ty tane toy.”​—Mpitoriteny 1:4.

•    “Ze ndaty maregne ro handova ty tane toy, sady ho velogne nainai’e etoy.”​—Salamo 37:29.

 Magnomey tari-dalagne antika amy ty alala ty Baiboly i Mpamorogne antikay mba hahavy antika ho sambatse manomboke amy izao sady hitamà fiaignagne milamigne soa amy ty hoavy. Naho te hahafantatse misimisy miomba ty raha rehafe ty Baiboly rehe, le vakio ty lahatsoratse tihoe “Misy Tari-dalana Azo Antoka Ve?” naho tihoe “Mbola Hihatsara ve ny Fiainana Amin’ny Hoavy?”