Rehafe ty tatetse vaho tsiela a fa ndaty raike amy ty ndaty efatse eo ho eo ro mahatsapa ho irerike magneran-tane.

•   “Va’e hanjò ze kila ndaty ty fahatsapagne ho irerike ndra fire taogne reke ndra fire taogne sady ndra aia aia ty misy aze.”​—Chido Mpemba, agnisa ty mpitantagne ty Fifandrambesagne Ara-piaraha-monegne amy ty Fikambanagne Iraisam-pirenena Miomba ty Fahasalamagne.

 Misy ndaty mieretseretse tie o ndaty beio avao ndra o ndaty tsy le mifagnosehose amy ty hafao avao ro mahatsapa ho irerike. Faie naho ty maregne le mahatsapa hoe izay avao ka ndra ty tanora, ndra ty ndaty salama soa, ndra ty ndaty manan-karena ndra ty ndaty manambaly aza. Naho tsy mifagnosehose amy ty hafa ty ndaty raike ndra ka mahatsapa ho irerike, le va’e hanimba ty fahasalama’e ara-batagne naho ara-pihetseham-po zay.

•   Hoe ty Dr. Vivek Murthy, dokotera raike mpandrasa a Etazonia agne: “Tsy tihoe fihetseham-po tsotra tsapa ty ndaty raike avao ty fahatsapagne ho irerike, fa va’e hamono aze ka io. Azo ampitoviegne amy ty ndaty atahoragne ho mate satria mahalany sigara 15 isan’andro reke.”

 Tsy tea i Mpamorogne antikagney hivibìke tika. Fa fikasan’Andrianagnahare amparake izay tihoe hana-namagne o ndatio sady hankamamy naho ho afa-po amy ty fiharoagne amo o namagneo.

•   Toro lala ty Baiboly: “Hoe ty Andrianagnahare: ‘Tsy soa naho lava irerike avao i lahilahỳ.’”​—Genesisy 2:18.

 Tean’Andrianagnahare hifandrambe ama’e tika. Mampitamà reke fa hiharine antika naho itika mikezake magnarine aze.​—Jakoba 4:8.

•   Toro lala ty Baiboly: “Sambatse ze mahatsapa tie mipay an’Agnahare satria hoahy iareo i Fanjakà i lagnitseỳ.”​—Matio 5:3.

 Tean’Andrianagnahare hanompo aze miarake amy ty hafa tika. Hagnampe antika ho fale naho ho sambatse ty fanoagne izay.

•   Toro lala ty Baiboly: “Andao tika hifampihevetse mba hifandrisike ho amy ty hatea naho ty asa soa, le tsy hahafoe ty fiharoantikagne mivory, ... fa hifampahery.”​—Hebreo 10:24, 25.

 Tea’o ho fantatse vao tie nagnino ro tena lahibey ty fikezahagne handrese ty fahatsapagne ho irerike? Vakio ty lahatsoratse tihoe “Manirery Nefa Betsaka ny Fitaovam-pifandraisana.”