MIAMBENA LOGNANDRO!
Nakisa o Mpahay Siansao i Lera Manondro i Fara Androy: Ino ty Rehafe ty Baiboly?
Nirehafe o mpahay siansao tamy 24 Janvie 2023 fa marine amy i vaky mira halegney eo i Lera Manondro i Fara Androy a.
“Ampiasae o mpahay siansao mba hampisehoagne ty fotoagne hahapoteke ty tontolo toy i “Lera Manondro i Fara Androy.” Nakisa iareo tagnila i vaky mira halegney eo reke tamy Talata, noho ty aly a Ukraine agne naho ty fatahoragne tie hisy aly niokleary hipoake sady noho ty fahasimba o tontolo iaignagneo.”—AFP International Text Wire.
“Nagnambara o mpahay siansao tamy Talata fa 90 segondra ty sisa’e le ho avy amy i vaky mira halegney eo i ‘Lera Manondro i Fara Androy.’ Fa kede sisa le hahatrea i haramagedonay o ndatio.”—ABC News.
“Nisy mpahay siansa boake amy ty firenena maromaro nampitao fa mbe tsy nisy raha hagnoho-doza ty fiay o ndatio manahake itoy hatrake amy izay.”—The Guardian.
Ho poteke vata’e vao ty tane toy naho fa afarafarao, le tsy hisy sasa o ndatio? Toko’e hatahotse ty raha hiseho amy ty hoavy vao tikagne? Ino ty rehafe ty Baiboly miomba izay?
Hanao akore ty hoavy?
Rehafe ty Baiboly fa “haharetse nainai’e ... ty tane toy” sady hisy ndaty “hiaigne eo nainai’e.” (Mpitoriteny 1:4; Salamo 37:29) Tsy ombia ho poteke areke ty tane toy fa natao hitobohagne nainai’e.
Faie mirehake miomba ty fara’e ty Baiboly. Rehafe’e ao ohatse tie “mandriogne avao ty tontolo toy.”—1 Jaona 2:17.
Naho tea’o ho fantatse tie ino ty tea ty Baiboly horehafegne amy tihoe fara ty tontolo toy, le vakio ty lahatsoratse tihoe “Tena ho Tonga Tokoa ve ny Faran’izao Tontolo Izao?”
Vakio ty lahatsoratse tihoe “Rahoviana no ho Tonga ny Faran’izao Tontolo Izao?” naho tea’o ho fantatse ty fotoagne hiavia ty fara ty tontolo toy.
Ko mamoe fo
Afake magnampe antikagne tsy hamoe fo ty Baiboly ndra tie eo ty olagne maro magneran-tane. Amy ty fomba akore?
Magnomey antikagne torohevetse azo ampiharegne ty Baiboly. (2 Timoty 3:16, 17) Afake magnampe azo hanan-draha tamaegne ze raha zay ndra tie misy olagne. Hahatrea torohevetse miomba izay rehe amy ty lahatsoratse tihoe “Inona no Hanampy Anao Tsy Hanahy Be Loatra?”
Tena azo antoke ty raha ampitamae ty Baiboly. (Romanina 15:4) Hazavae’e ao mazava soa ohatse tie ino ty raha fa ampoizentikagne hiseho amy izao naho amy ty hoavy. Izay ty hagnampe antikagne tsy hatahotse ndra tie mikorontagne aza ty tontolo toy.
Te handrambe soa amy ty raha rehafe ty Baiboly vao rehe? Mandrisike azo areke zahay mba hagnandragne ty fianaragne Baiboly maimaim-poagne anoe’ay amy izao.
a “I Lera Manondro Fara Androy, le famantaragne mampitao o ndatio tie fa marine ty fotoagne hahazamagne o ndatio noho o teknolojia magnoho-doza finoro iareò. Oha-drehake ampiasaegne mba ho faniahiagne io tie toko’e hanao raha tikagne mba hahavy o ndatio tsy ho zamagne.”—Bulletin of the Atomic Scientists.
Va'e ho Tea'o Ka
VALEM-PAGNONTENEAGNE ARA-BAIBOLY
Ino ty Atao Tihoe Aly Hara-magedona?
Indraike ty isehoa ty rehake tihoe Hara-magedona amy Baiboly ao. Faie naho henteagne ty Soratse Masigne le mirehake miomba aze iaby.
ESSENTIAL BIBLE TEACHINGS
Nagnino o Fijaleagneo Engàn’Andrianagnahare Hisio?
Magnontane ty ndaty maro tie nagnino ty tane toy feno fankalaignagne naho fijaleagneo. Mahafa-po naho mampionogne antikagne ty vale’e mey ty Baiboly miomba izay.
ESSENTIAL BIBLE TEACHINGS
Ino ty Anto’e Namorognan’Andrianagnahare ty Tane Toy?
Feno raha fanjaka ty tane toy. Mete soa ty elagnela i taney naho i masoandroy, mete soa ka ty falaky fiodikodi’e. Nagnino ty Andrianagnahare ro nikezake mafe namorogne ty tane toy ho fanjaka?
MIOMBA ANAY
Hangatake Hotilihegne
Miharoa midineke miomba ty Baiboly ndra ianaro soa ty miomba ty Vavolombelo i Jehovah.
