Nirehafe ty Fikambanagne Ara-pahasalamagne Magneran-tane (OMS) tamy 23 Mey 2022, fa ndaty eo ho eo amy ty 6,27 tapetrisa ty nimate i COVID-19-oy. Faie arake ty vaovao tamy 5 Mey 2022 niboake tamo o gazeteo, le nirehake ty OMS fa va’e mbe mihoatse lavitse noho io ty isa ty ndaty nimate. Tamy i taogne 2020 naho 2021 igne, le “ndaty eo ho eo amy ty 14,9 tapetrisa ty nimate i COVID-19-oy ndra niazo’e mivantagne zay ndra tsy mivantagne.” Ino ty raha rehafe ty Baiboly miomba o raha tena mampalahelo iohoe?

•    Fa nirehafe i Jesosy mialoha fa hisy “arete-manjamagne” hiparitake amy ty fotoagne atao tihoe “andro fara’e.”​—Lioka 21:11, 2 Timoty 3:1.

 Tanterake amo o androntikagne zao i faminania i Jesosỳ. Naho mipay fagnazavagne fagnampe’e rehe, le vakio ty lahatsoratse tihoe “Ino ty Famantaragne i ‘Andro Fara’ey’ ndra i ‘Fara Androy’?”

•    ‘I Andrianagnahare ze kila fampionognagney, ... le mampionogne antikagne amy ze kila haoreagne.’​—2 Korintianina 1:3, 4.

 Maro amy ty ndaty namoe longo tsy foen-troke ro nahazo fampionognagne boake amy ty raha rehafe ty Baiboly. Naho mipay fagnazavagne fagnampe’e rehe, le vakio ty lahatsoratse tihoe “Akore ty Hiatrehagne Aze?​—Ino ty Azo’o Atao Manomboke amy Izao?” naho tihoe “Tena Magnampe ty Baiboly.”

•    “Ho avy abey i Fanjakà’oy! Hanoegne an-tane etoy abey ze zoton’arofo’o hambagne amy ty an-dagnitse agne!”​—Matio 6:10.

 Tsy ho ela, le hinday i “Fanjakàn’Andrianagnaharey”, sady “tsy hisy sasa ty ndaty hanao tihoe tie: ‘Marare raho.’” (Marka 1:14, 15; Isaia 33:24) Henteo ty video Inogne o Fanjakàn’Andrianagnahare Zao? mba hahafantara’o ty miomba o fanjakagne an-dagnitse agne iohoe naho ty raha hatao io.

 Mandrisike azo zahay mba hianatse ty raha rehafe ty Baiboly, amy izay rehe naho ty keleia’o mandrambe soa amy ty torohevetse feno fahendreagne naho ty fampitamaegne mampahery trea ao.