Tsy mora amy ty ankamaroa ty ndaty magneran-tane ty mahatrea vola ampe soa mba hivelomagne. Le vao maike mihamitombo avao ze olagne zay.

•   Arake ty tatetse a voarae vaho tsiela, le “tsy mahampe hatrake fara volagne ty karama o ndatio.” Mampatahotse o tatetse iohoe, satria naho tsy misy ty fiovan-draha, le vao maike hihamahantra ze mahantra, le ze mpanan-karena lava hitombo harena avao. Ty ho voka izay, le maro ty keleiagne tsy hanagne fiaignagne milamigne naho ampitahaegne amy ty taloha.”

 Hisy fitondram-panjakagne vao hahavoavaha o kirizy ara-toe-karenao?

 Mirehake ty Baiboly fa misy fitondram-panjakagne raike mahavita mamaha ty olagne ara-toe-karena, agnisa izay ty tsy fitoviagne. Izao ty voarehake ao, ‘hagnoregne fanjakagne ty Andrianagnahare i lagnitsey’, le io avao ty fitondragne handamigne ze olagne miseho an-tane etoy. (Daniela 2:44) Naho fa mifehe magneran-tane o fanjakagne iohoe, le tsy hisy ndaty ndra raike tsy hovoara-maso ty olagne mahazo aze. (Salamo 9:18) Azo antoke fa hanagne ze raha tena ilae’e mba hahasambatse aze ze ndaty ambane fifehea ty Fanjakàn’Andrianagnahare. Ho afake hifale amy ty asa mafe atao’e ty ndaty tsikiraidraike amy izay.​—Isaia 65:21, 22.