Maro ty mpanompo marain-tsy hariva tokavegne hanao Sekoly Ara-baiboly Gileada, isan-taogne. Boake amy ty firenena sambe hafa iaby iareo. Amy ty Foibeim-pampianara ty Fitalakesan-davitse, a Patterson a New York agne ty anoagne o sekoly iohoe. a Ampianaregne i mpianatse rey amy i sekolỳ tie inogne ty hagnampe iareo hahavita soa ty asa sambe karaza’e anendreagne iareo amy ty fandamina i Jehovah eo. Hagnampe iareo hampahery naho hampiofagne ty rahalahy naho ty rahavave amo o fiangonagneo eo ka ty fampiofagnagne azo iareo, sady hampandroso ty asa ty birò i sampagne magneran-tane.

 Tena sekoly iraisam-pirenena ty sekoly Gileada. Ty kilasy faha-147 tamy ty Sekoly Gileada natao tamy 2019, ohatse, le nisy mpianatse 56 boake amy ty firenena 29. Mpanompo marain-tsy hariva manokagne ty manao o sekoly iohoe. Ohatse, Betelita, mpiandraikitse faritse, misionera, naho mpisava lalagne manokagne.

 Misy fagnomanagne aloha bey tsy maintsy atao, aloha ty hanomboha i sekolỳ. Ty Sampan-draharaha Mikarakara Lia Lavitse, ohatse ty mivily ty billet ndrapolany handehana ze hanao sekoly. Tamy ty ankapobei’e, le eo amy ty 1 075 dolara ty foré mionjogne naho mibalike hoahy ty mpianatse tsikiraidraike boake ivela i Etazonia agne. Ty mpianatse boake amy ty Tokonose Salomon, ohatse, le tsy maintsy mifindra rapolany inempatse vaho izay avy a Patterson agne, sady intelo mifindra rapolany indraike naho fa moly. Naho natambatse, le 35 400 kilometatse mahery ty lia natao iareo, sady 2 300 dolara isake mpianatse ty vily ty billet ndrapolani’e. Mba hitsitsiagne vola, le mampiasa programa amy ty ordinatera ty Sampan-draharaha Mikarakara Lia Lavitse mba hitanagne billet mora. Faie ndra tie fa vita aza i fitanagne billet-y, le mbe manohy mikarokaroke ao avao i programay, heregnandro maromaro ndra ambola’e aza, ke mbe mahatrea billet mora noho i fa nitanagney avao. Misy ka ty fa mpandeha rapolany, le manjare mahazo billet maimaim-poagne, le mea’e i Sampan-draharaha Mikarakara Lia Lavitsey zay.

 Mila managne vizà ty ankamaroa i mpianatsey vaho izay afake mandeha mba Etazonia mbeo. Ty Sampan-draharaha Miomba ty Lalàna ty magnampe iareo mba hahazo vizà. Eo ho eo amy ty 510 dolara isake mpianatse ty vola ilaegne mba hikarakaragne vizà.

 Ino ty soa rambesentikagne boake amy i fiofagnagne azo i mpianatse reỳ? Androanavi-pagnahy amy ty fiangonagne Azia atimo atignanagne agne ty Hendra Gunawan. Nahazo diploma tamy ty Sekoly Gileada ty mpivaly raike tamy ty fiangonagne misy aze. Hoe reke: “Tsy nisy mpisava lalagne maharetse ty tamy ty fiangona’ay ao tie taloha. Faie naho fa niavy i mpivaly boake nanao sekoly rey, le nisy mpitory nanjare nanao mpisava lalagne ty tamy ty fiangona’ay tao, satria nifindra tamy iareo ty zotom-po naho ty toe-tsay i mpivaly rey. Nisy rahavave raike zay aza nanjare nanao Sekoly ty Mpitory i Fanjakagney naho fa tafara tatoy!”

 Misy Betelita efatse nahazo diploma tamy ty Sekoly Gileada, amy ty Betela i Azia Atimo atignanagne agne, sady miara-miasa amy iareo ty Sergio Panjaitan. Hoe reke: “Tsy iareo avao ty nandrambe soa tamy i sekolỳ fa izahay ka. Tena nianatse raha maro iareo, faie tsy mirehareha! Zarae iareo aza ze raha nianara’e fa tsy tana’e ho aze avao. Mampahery anay ty atao iareo, le mba mikezake ka zahay mampahery ty hafa.”

 Boake aia ty vola agnantanterahagne ty fandaminagne o sekoly iohoe? Amy ty alala ty fagnomezagne hoahy ty asa magneran-tane. Maro ty manao i fagnomezagne rey amy ty alala ty donate.pr418.com. Misaotse anareo fa tena matarike nareo mba hanohagnagne ty mpianatse boake amy ty firenena sambe hafa amy izay ho afake hanao o sekoly iohoe.