కాదు. డబ్బు చెడ్డదని, లేదా అన్ని రకాల చెడుకు డబ్బే కారణమని బైబిలు చెప్పట్లేదు. కొంతమంది, “డబ్బే అన్ని రకాల చెడుకు కారణం” అని అంటుంటారు. కానీ నిజానికి, బైబిలు ఇలా చెప్తుంది: “డబ్బు మీది మోజు అన్నిరకాల చెడ్డవాటికి మూలం.”—1 తిమోతి 6:10.

•  డబ్బు గురించి బైబిలు ఏం చెప్తుంది?

•  డబ్బు మీది మోజు ప్రమాదకరమని బైబిలు ఎందుకు చెప్తుంది?

•  డబ్బు విషయంలో బైబిలు ఇచ్చే సలహాల్ని పాటిస్తే ఎలాంటి ఉపయోగాలు ఉంటాయి?

•  డబ్బు గురించి వివరించే బైబిలు వచనాలు

 డబ్బును తెలివిగా వాడితే దానివల్ల ఉపయోగాలు ఉంటాయని, అది కొన్నిసార్లు “రక్షణగా” కూడా ఉంటుందని బైబిలు చెప్తుంది. (ప్రసంగి 7:12) అంతేకాదు, ఉదారంగా చేసే సహాయాన్ని బైబిలు మెచ్చుకుంటుంది. అది డబ్బు సహాయం కావచ్చు, ఇంకేదైనా కావచ్చు.—సామెతలు 11:25.

 అదే సమయంలో, డబ్బే జీవితం కాకూడదని బైబిలు హెచ్చరిస్తుంది. అది ఇలా చెప్తుంది: “డబ్బును ప్రేమించకండి, ఉన్నవాటితో సంతృప్తిగా జీవించండి.” (హెబ్రీయులు 13:5) దీన్నిబట్టి డబ్బును దాని స్థానంలో ఉంచాలని, దాని వెనకాల పరుగెత్తకూడదని అర్థమౌతుంది. బదులుగా ఆహారం, బట్టలు, ఇల్లు వంటి కనీస అవసరాలతో మనం తృప్తిపడాలి.—1 తిమోతి 6:8.

 అత్యాశపరులు శాశ్వత జీవితాన్ని సొంతం చేసుకోలేరు. (ఎఫెసీయులు 5:5) ఒక కారణం ఏంటంటే, అత్యాశ అనేది విగ్రహపూజతో లేదా అబద్ధ ఆరాధనతో సమానం. (కొలొస్సయులు 3:5) ఇంకో కారణం ఏంటంటే, చాలావరకు అత్యాశపరులు తాము కోరుకున్నది దక్కించుకోవడం కోసం, మంచి-చెడ్డ పట్టించుకోకుండా ఎంతకైనా తెగిస్తారు. ఉదాహరణకు వాళ్లు బ్లాక్‌ మెయిల్‌, దోపిడీ, మోసం, కిడ్నాప్‌, లేదా హత్య వంటి నేరాలు చేసే అవకాశం ఉంది. అందుకే సామెతలు 28:20 ఇలా చెప్తుంది: “ధనవంతుడు అవ్వడానికి తొందరపడేవాడు నిర్దోషిగా ఉండడు.”

 డబ్బు మీది మోజు వల్ల మనం పైన చెప్పినలాంటి నేరాలు చేయకపోవచ్చు, కానీ దానివల్ల హాని అయితే ఉంది. దాని గురించే బైబిలు ఇలా చెప్తుంది: “ధనవంతులు అవ్వాలని నిశ్చయించుకున్నవాళ్లు ప్రలోభంలో, ఉరిలో, ఎన్నో హానికరమైన వెర్రి కోరికల్లో చిక్కుకుంటారు.”—1 తిమోతి 6:9.

 డబ్బు కోసం మన నీతి-నిజాయితీల్ని, విలువల్ని వదిలేసుకోకుండా ఉంటే మన గౌరవం మనకుంటుంది, అలాగే దేవుని అనుగ్రహం, మద్దతు ఉంటాయి. దేవుణ్ణి సంతోషపెట్టాలని ఎవరైతే నిజాయితీగా ప్రయత్నిస్తారో, వాళ్లకు దేవుడు ఇలా మాటిస్తున్నాడు: “నిన్ను ఎప్పుడూ విడిచిపెట్టను, నిన్ను ఎన్నడూ వదిలేయను.” (హెబ్రీయులు 13:5, 6) ఆయన ఇంకా ఇలా చెప్తున్నాడు: “నమ్మకమైనవాడు ఎన్నో దీవెనలు పొందుతాడు.”—సామెతలు 28:20.