యెహోవా a దేవుడు మనది ఏ దేశం, ఏ జాతి, ఏ రంగు, ఏ సంస్కృతి అనేది చూడడు. ఆయన మన మనసును చూస్తాడు. అంటే మన ఆలోచనలు ఎలా ఉన్నాయి, మనం నిజంగా ఎలాంటివాళ్లం అనేదే చూస్తాడు. మనుషులు మాత్రమే ‘కంటికి కనిపించేదాన్ని చూస్తారు; కానీ యెహోవా హృదయాన్ని చూస్తాడు’ అని బైబిలు చెప్తుంది.—1 సమూయేలు 16:7.

మనమైతే హృదయాల్ని చదవలేం; కానీ దేవునిలాగే మనం కూడా పక్షపాతం లేకుండా అందర్నీ సమానంగా చూడొచ్చు. ఒక వ్యక్తి ఎలాంటివాడు అనేది అతని దేశం, జాతిని బట్టి అంచనా వేయకూడదు. ఒకవేళ ఏదైనా దేశం వాళ్లమీద గానీ, జాతి వాళ్లమీద గానీ మీకు మంచి అభిప్రాయం లేకపోతే ఆ అయిష్టాన్ని పూర్తిగా తీసేసుకోవడానికి సహాయం చేయమని దేవున్ని అడగాలి. (కీర్తన 139:23, 24) పక్షపాతం చూపించకుండా ఉండడానికి సహాయం చేయమని మనస్ఫూర్తిగా అడిగితే, యెహోవా మీ విన్నపాన్ని విని ఖచ్చితంగా సహాయం చేస్తాడు.—1 పేతురు 3:12.