ఉదాహరణకు, అమెరికాలో ఉంటున్న శాలీ a అనే ఆమె తుఫాను వల్ల సర్వం కోల్పోయింది. ఆమె ఇలా అంటోంది: “ఇంతకన్నా ఒత్తిడిని తట్టుకునే శక్తి నాకు లేదని, ఇక సహించడం నావల్ల కాదని అనిపించింది.”

ఒకవేళ మీకు బాగా ఇష్టమైనవాళ్లు చనిపోతే? ఆస్ట్రేలియాలో ఉంటున్న జానస్‌ ఇలా అంటుంది: “మా ఇద్దరు అబ్బాయిలు చనిపోయినప్పుడు నా జీవితం ముక్కలైనట్టు అనిపించింది. నేను దేవునికి ఇలా ప్రార్థించాను: ‘నా గుండె ఇక తట్టుకోలేదు! నాకు చనిపోవాలని ఉంది, ఇక బ్రతకాలని లేదు.’”

డానియెల్‌ విషయానికొస్తే, తన భార్య నమ్మకద్రోహం చేసినప్పుడు అతను తీవ్రంగా కృంగిపోయాడు. అతనిలా చెప్తున్నాడు: “నా భార్య నమ్మకద్రోహం చేశానని చెప్పినప్పుడు నా గుండెను కత్తితో పొడిచినట్టు అనిపించింది. చాలా నెలలపాటు ఆ విషయం నన్ను పదేపదే బాధించింది.”

కింది పరిస్థితుల్లో జీవితం మీద ఆశ కోల్పోకుండా ఎలా ఉండవచ్చో ఈ కావలికోట పత్రికలో పరిశీలిస్తాం

• విపత్తు వచ్చినప్పుడు

• ఇష్టమైనవాళ్లు చనిపోయినప్పుడు

• భార్య/భర్త నమ్మకద్రోహం చేసినప్పుడు

• తీవ్రమైన అనారోగ్యం ఉన్నప్పుడు

• బ్రతకడం ఇక నావల్ల కాదని అనిపించినప్పుడు

ముందుగా, విపత్తు వచ్చినప్పుడు ఎలా తట్టుకోవచ్చో చూద్దాం.