“మీకు దేవుని పేరు తెలుసా?”

ఆప్రశ్న, మధ్య ఆసియాలోని నైరుతి ప్రాంతంలో నివసించే ఒక స్త్రీలో ఆసక్తిని రేకెత్తించింది. మా సహ పత్రికయైన తేజరిల్లు! (ఆంగ్లం) జనవరి 22, 2004వ సంచిక ముఖపత్ర శీర్షికలో ఆ ప్రశ్న కనిపిస్తుంది. ఆ స్త్రీ ప్రచురణకర్తలకు ఇలా వ్రాసింది: “నేను వెంటనే మీ పత్రికకు ఆకర్షితురాలినయ్యాను, మంచి నైతిక విలువలకు ప్రాముఖ్యతనిచ్చేలా అది నాకు సహాయం చేసింది. నాకు జీవితంపట్ల ఆశావహ దృక్పథం పెరుగుతూ ఉంది. మన దేవుని గురించి, ఈ జ్ఞానం తీసుకువచ్చే శాంతిని గురించి నేను అందరికీ చెబుతున్నాను.”

చాలా ప్రాంతాల్లో, వాస్తవానికి “భూదిగంతముల వరకు” ఉన్న ప్రజలు దైవిక నామమైన యెహోవా గురించి తెలుసుకుంటున్నారు. (అపొస్తలుల కార్యములు 1:8) ఉదాహరణకు, పరిశుద్ధ లేఖనాల టర్కెమెన్‌ అనువాదంలో, టర్కెమెన్‌ భాషలో యెహోవా అనే పేరును సులభంగా కనుగొనవచ్చు. కీర్తనలు 8:1లో ఇలా ఉంది: “యెహోవా మా ప్రభువా, . . . భూమియందంతట నీ నామము ఎంత ప్రభావము గలది.”

యెహోవా దేవుని గురించి ఇంకా ఎక్కువగా తెలుసుకోవడానికి మీరు బైబిలు నిజంగా ఏమి బోధిస్తోంది? అనే పుస్తకాన్ని యెహోవాసాక్షుల్లో ఒకరిని అడిగి తీసుకోవచ్చు.