ప్రత్యేక బహిరంగ ప్రసంగం

నిజమైన శాంతిభద్రతలు ఎప్పుడొస్తాయి?

శాంతిభద్రతలు తీసుకురావడానికి మానవులు వేల సంవత్సరాలుగా ప్రయాసపడ్డారు. కానీ నిజమైన శాంతిని తీసుకురాలేకపోయారు. ఎందుకు? దానికి రెండు ముఖ్యమైన కారణాలున్నాయని బైబిలు చెబుతోంది. అంతేకాదు, దానిలో ఓదార్పునిచ్చే ఈ హామీ ఉంది: ప్రపంచవ్యాప్తంగా ఉన్న మానవులందరికీ కలకాలం నిజమైన శాంతిభద్రతలు ఉంటాయని దేవుడు వాగ్దానం చేశాడు.

శాంతిభద్రతలు నిజంగా ఎప్పుడొస్తాయి, ఎలా వస్తాయి? అలాంటి చక్కని పరిస్థితుల్లో ఉండాలంటే మీరేమి చేయాలి? “నిజమైన శాంతిభద్రతలు ఎప్పుడొస్తాయి?” అనే బహిరంగ ప్రసంగంలో మీరు ఈ ప్రశ్నలకు జవాబులు తెలుసుకుంటారు. బైబిలు ఆధారిత ఈ ప్రసంగం ప్రపంచవ్యాప్తంగా 230 కన్నా ఎక్కువ దేశాల్లో ఇవ్వబడుతుంది. చాలా ప్రాంతాల్లో ఈ ప్రసంగం, 2010, ఏప్రిల్‌ 18, ఆదివారం రోజున యెహోవాసాక్షుల రాజ్యమందిరాల్లో ఇవ్వబడుతుంది. ఈ ప్రసంగం ఇవ్వబడే తేదీ, అడ్రసు మీ ప్రాంతంలోవున్న యెహోవాసాక్షులు తెలియజేస్తారు. దీనికి మిమ్మల్ని హృదయపూర్వకంగా ఆహ్వానిస్తున్నాము. (w10-E 04/01)