బైబిలు స్టడీ మొదలుపెట్టినప్పటి కన్నా, ఇప్పుడు మీరు దేవునికి ఇంకా దగ్గరైనట్టు అనిపిస్తుందా? దేవునితో మీ స్నేహాన్ని ఇలాగే పెంచుకోవాలని అనుకుంటున్నారా? మీరు తనను ఎంతగా ప్రేమిస్తున్నారో యెహోవా చూస్తాడని గుర్తుంచుకోండి. మీరు తనను ఎంత ఎక్కువగా ప్రేమిస్తే యెహోవా మిమ్మల్ని అంత ఎక్కువగా ప్రేమిస్తాడు, పట్టించుకుంటాడు. మరి, మీరు ఆయన్ని ప్రేమిస్తున్నారని ఎలా చూపించవచ్చు?

1. మనం యెహోవాను ప్రేమిస్తున్నామని ఎలా చూపిస్తాం?

మనం యెహోవాకు లోబడడం ద్వారా ఆయన్ని ప్రేమిస్తున్నామని చూపిస్తాం. (1 యోహాను 5:3 చదవండి.) తనకు లోబడమని ఆయన ఎవర్నీ బలవంతపెట్టడు. బదులుగా తనకు లోబడాలో, వద్దో నిర్ణయించుకునే స్వేచ్ఛను ఆయన ప్రతీ ఒక్కరికి ఇస్తాడు. ఎందుకంటే, మనం తనకు ‘మనస్ఫూర్తిగా లోబడాలని’ యెహోవా కోరుకుంటున్నాడు. (రోమీయులు 6:17) ఇంకో మాటలో చెప్పాలంటే, మీరు ఏదో తప్పదన్నట్టు కాదుగానీ ప్రేమతోనే తనకు లోబడాలని యెహోవా కోరుకుంటున్నాడు. మీరు యెహోవాకు నచ్చేవి చేస్తూ, ఆయనకు నచ్చనివాటికి దూరంగా ఉండడం ద్వారా ఆయన మీద ప్రేమ చూపించవచ్చు. అదెలాగో ఈ పుస్తకంలోని 3, 4 సెక్షన్‌లు వివరిస్తాయి.

2. యెహోవాకు లోబడడం ఎందుకు కష్టంగా ఉండవచ్చు?

“నీతిమంతునికి ఎన్నో కష్టాలు వస్తాయి.” (కీర్తన 34:19) ఉదాహరణకు, మనందరం మన సొంత బలహీనతలతో పోరాడుతున్నాం. అంతేకాదు ఆర్థిక సమస్యలు, అన్యాయం, ఇతర కష్టాలు మనకు ఎదురవ్వవచ్చు. అలాంటి పరిస్థితుల్లో యెహోవాకు లోబడడం కన్నా, తప్పుడు దారిలో వెళ్లడమే తేలిగ్గా అనిపించవచ్చు. కానీ మీరు యెహోవా చెప్పేది నమ్మకంగా చేసినప్పుడు, అన్నిటికన్నా ఎక్కువగా ఆయన్నే ప్రేమిస్తున్నారని చూపిస్తారు. అంతేకాదు, అన్ని పరిస్థితుల్లో ఆయనకు విశ్వసనీయంగా ఉన్నారని చూపిస్తారు. అలా చేస్తే యెహోవా కూడా మీకు విశ్వసనీయంగా ఉంటాడు. ఆయన మిమ్మల్ని ఎన్నడూ విడిచిపెట్టడు.—కీర్తన 4:3 చదవండి.

4. యెహోవా హృదయాన్ని సంతోషపెట్టండి

సామెతలు 27:11 చదవండి, తర్వాత ఈ ప్రశ్నల్ని చర్చించండి:

• మీరు తెలివిని సంపాదించి, తనకు లోబడినప్పుడు యెహోవాకు ఎలా అనిపిస్తుంది? ఎందుకు?

 5. మీరు యెహోవాకు విశ్వసనీయంగా ఉండగలరు

6. యెహోవాకు లోబడితే ప్రయోజనం పొందుతాం

యెహోవాకు లోబడడం ఎప్పుడూ మనకే మంచిది. యెషయా 48:17, 18 చదవండి, తర్వాత ఈ ప్రశ్నల్ని చర్చించండి:

• యెహోవా ఏది చెప్పినా, అది మీ ప్రయోజనం కోసమే అని మీరు నమ్ముతున్నారా? ఎందుకు?

• స్టడీలో బైబిలు గురించి, సత్యదేవుడైన యెహోవా గురించి నేర్చుకోవడం వల్ల మీరు ఇప్పటివరకు ఎలా ప్రయోజనం పొందారు?

 ఒక్కమాటలో

యెహోవాకు లోబడడం ద్వారా, కష్టాలు వచ్చినా ఆయనకు విశ్వసనీయంగా ఉండడం ద్వారా మీరు ఆయన్ని ప్రేమిస్తున్నారని చూపించవచ్చు.

మీరేం నేర్చుకున్నారు?

• యోబు ఉదాహరణ నుండి మీరేం నేర్చుకున్నారు?

• యెహోవాను ప్రేమిస్తున్నారని మీరు ఎలా చూపిస్తారు?

• యెహోవాకు విశ్వసనీయంగా ఉండడానికి మీకు ఏది సహాయం చేస్తుంది?