యెహోవా ప్రజలతో కలిసి సంతోషంగా గడిపిన క్షణాలను మీరు ఎప్పుడైనా గుర్తుతెచ్చుకున్నారా? ప్రోత్సాహాన్నిచ్చిన సంఘ కూటం, ఎంతో పురికొల్పును ఇచ్చిన సమావేశం, పట్టలేని ఆనందాన్నిచ్చిన ప్రకటనాపని లేదా తోటి విశ్వాసితో సరదాగా చెప్పుకున్న కబుర్లు ఇలా ఏవైనా మీకు గుర్తున్నాయా? మీరు యెహోవాను మర్చిపోలేదు, యెహోవా కూడా మిమ్మల్ని మర్చిపోలేదు. మీరు నమ్మకంగా చేసిన సేవను గుర్తుచేసుకోవడం యెహోవాకు ఎంతో ఇష్టం. తన దగ్గరకు తిరిగి రావడానికి మీకు సహాయం చేయాలని ఆయన ఎంతో ఆశగా ఎదురుచూస్తున్నాడు.

“చెదరి పోయిన నా గొర్రెలను నేనే వెదకుతాను. నేను వాటి విషయమై జాగ్రత్త తీసుకుంటాను. తన గొర్రెలు తప్పిపోయినప్పుడు ఒక కాపరి వాటి వెంట ఉంటే, అతడు వెళ్లి వాటికొరకు వెదకగలడు. అదే విధంగా, నేను నా గొర్రెల కొరకు వెదకుతాను. నేను నా గొర్రెలను రక్షించుకుంటాను . . . నా గొర్రెలను ఆయా ప్రాంతాల నుండి వెదకి తీసుకు వస్తాను.”—యెహెజ్కేలు 34:11, 12 పరిశుద్ధ బైబల్‌: తెలుగు ఈజీ-టు-రీడ్‌ వర్షన్‌.