ఓబద్యా 1:1-21
1 ఓబద్యాకు* వచ్చిన దర్శనం.
ఎదోము గురించి సర్వోన్నత ప్రభువైన యెహోవా చెప్పేదేమిటంటే:+
“మేము యెహోవా నుండి ఒక వార్త విన్నాం.‘లెండి, ఆమెతో యుద్ధం చేయడానికి సిద్ధమౌదాం’
అని చెప్పడానికి దేశాల మధ్యకు ఒక రాయబారి పంపబడ్డాడు.”+
2 “ఇదిగో! దేశాల మధ్య నిన్ను తక్కువవాడిగా చేశాను;నువ్వు పూర్తిగా తిరస్కరించబడ్డావు.+
3 నీ అహంకార హృదయం నిన్ను మోసం చేసింది,+బండ సందుల్లో నివసించేవాడా,ఎత్తులో ఉండేవాడా,‘నన్నెవరు కింద పడేస్తారు?’ అని నీ హృదయంలో అనుకుంటున్నావు.
4 నువ్వు గద్దలా ఎత్తులో నివాసం ఏర్పర్చుకున్నా,*నక్షత్రాల మధ్య గూడు కట్టుకున్నా,అక్కడి నుండి నేను నిన్ను కింద పడేస్తాను” అని యెహోవా ప్రకటిస్తున్నాడు.
5 “దొంగలు గానీ, రాత్రివేళ దోచుకునేవాళ్లు గానీ నీ దగ్గరికి వస్తే,(నువ్వు ఎంత ఘోరంగా నాశనం చేయబడతావో!)*
వాళ్లు తమకు కావాల్సినంత మాత్రమే దోచుకుంటారు కదా?
ద్రాక్షలు సమకూర్చేవాళ్లు నీ దగ్గరికి వస్తే,కొంత పరిగె విడిచిపెడతారు కదా?+
6 ఏశావు పూర్తిగా సోదా చేయబడ్డాడు!
అతను దాచుకున్న సంపదలన్నీ కొల్లగొట్టబడ్డాయి!
7 వాళ్లు నిన్ను సరిహద్దు వరకు తరిమారు.
నీతో సంధి* చేసుకున్నవాళ్లంతా నిన్ను మోసం చేశారు.
నీతో శాంతిగా ఉన్నవాళ్లు నీకు ఎదురుతిరిగారు.
నీతో కలిసి భోజనం చేస్తున్నవాళ్లు నీ కింద వల పరుస్తారు,కానీ నువ్వు దాన్ని గ్రహించలేవు.”
8 యెహోవా ఇలా అంటున్నాడు:“ఆ రోజున ఎదోములోని తెలివిగలవాళ్లను,ఏశావు పర్వత ప్రాంతంలోని వివేచనాపరుల్ని
నేను నాశనం చేయకుండా ఉంటానా?+
9 తేమానూ,+ నీ యోధులు భయంతో వణికిపోతారు,+ఎందుకంటే, ఏశావు పర్వత ప్రాంతంలోని ప్రతీ ఒక్కరు వధించబడతారు.+
10 నీ తమ్ముడైన యాకోబును హింసించినందుకు,+నువ్వు అవమానాలపాలు అవుతావు,+శాశ్వతంగా నాశనమౌతావు.+
11 పరాయివాళ్లు అతని సైన్యాన్ని చెరపట్టుకుపోయిన రోజున,+విదేశీయులు అతని ద్వారం లోపలికి ప్రవేశించి, యెరూషలేము మీద చీట్లు* వేసిన రోజున,+నువ్వు పక్కకు నిలబడి చూస్తూ ఉండిపోయావు, వాళ్లలో ఒకడిలా ప్రవర్తించావు.
12 నీ సహోదరుడికి కష్టం వచ్చిన రోజున అతన్ని చూసి సంతోషించావు,+యూదా ప్రజలు నాశనమౌతున్న రోజున వాళ్లను చూసి ఆనందించావు,+వాళ్లకు కష్టం ఎదురైన రోజున చాలా పొగరుగా మాట్లాడావు, అది తప్పు.
13 నా ప్రజల మీదికి విపత్తు వచ్చిన రోజున వాళ్ల ద్వారం లోపలికి ప్రవేశించావు,+అతనికి కష్టం వచ్చిన రోజున అతని ఆపదను చూసి సంతోషించావు,అతని మీదికి విపత్తు వచ్చిన రోజున అతని సంపదను ముట్టావు, నువ్వలా చేసి ఉండకూడదు.+
14 పారిపోతున్న అతని మనుషుల్ని వధించడానికి అడ్డదారుల్లో నిలబడ్డావు,+ఆపద రోజున తప్పించుకున్న అతని మనుషుల్ని అప్పగించావు, అలా చేయడం తప్పు.+
15 యెహోవా రోజు దగ్గర్లో ఉంది, అది అన్నిదేశాల మీదికి వస్తుంది.+
నువ్వు చేసినట్టే నీకు జరుగుతుంది.+
నువ్వు ఇతరులకు చేసింది నీ తల మీదికే వస్తుంది.
16 మీరు నా పవిత్ర పర్వతం మీద ఎలా తాగారో,అలాగే దేశాలన్నీ అదేపనిగా తాగుతూ ఉంటాయి.+
వాళ్లు ఒక్క చుక్క కూడా మిగల్చకుండా తాగేస్తారు,వాళ్లు అసలెన్నడూ ఉనికిలో లేనట్టుగా అయిపోతారు.
17 కానీ తప్పించుకున్నవాళ్లు సీయోను పర్వతం మీద ఉంటారు,+అది పవిత్రంగా ఉంటుంది;+యాకోబు ఇంటివాళ్లు తమకు చెందిన వాటిని స్వాధీనం చేసుకుంటారు.+
18 యాకోబు ఇంటివాళ్లు అగ్నిలా అవుతారు,యోసేపు ఇంటివాళ్లు మంటలా అవుతారు,ఏశావు ఇంటివాళ్లు కొయ్యకాలులా* అవుతారు;వాళ్లు వాళ్లను కాల్చి బూడిద చేస్తారు,ఏశావు ఇంటివాళ్లలో తప్పించుకునేవాళ్లు ఎవ్వరూ ఉండరు,+ఎందుకంటే, యెహోవాయే స్వయంగా చెప్పాడు.
19 వాళ్లు నెగెబును, ఏశావు పర్వత ప్రాంతాన్ని,షెఫేలాను, ఫిలిష్తీయుల దేశాన్ని స్వాధీనం చేసుకుంటారు.+
వాళ్లు ఎఫ్రాయిము భూముల్ని, సమరయ భూముల్ని స్వాధీనం చేసుకుంటారు,+బెన్యామీను గిలాదును స్వాధీనం చేసుకుంటాడు.
20 ఈ ప్రాకారం+ నుండి చెరగా తీసుకెళ్లబడినవాళ్లకు,
అంటే ఇశ్రాయేలు ప్రజలకు సారెపతు+ వరకున్న కనానీయుల దేశం ఇవ్వబడుతుంది.
యెరూషలేము నుండి చెరగా తీసుకెళ్లబడి సెఫారాదులో ఉంటున్న ప్రజలు
నెగెబు నగరాల్ని స్వాధీనం చేసుకుంటారు.+
21 ఏశావు పర్వత ప్రాంతానికి తీర్పుతీర్చడానికి+రక్షకులు సీయోను పర్వతం మీదికి వెళ్తారు,రాజ్యాధికారం యెహోవాది అవుతుంది.”+
అధస్సూచీలు
^ “యెహోవా సేవకుడు” అని అర్థం.
^ లేదా “ఎత్తులో ఎగిరినా” అయ్యుంటుంది.
^ లేదా “వాళ్లు ఎంత నాశనం చేస్తారు?” అయ్యుంటుంది.
^ లేదా “ఒప్పందం.”
^ పంట కోసిన తర్వాత నేలమీద మిగిలే కాడల దుబ్బు.
