కీర్తనలు 140:1-13
సంగీత నిర్దేశకునికి సూచన. దావీదు శ్రావ్యగీతం.
140 యెహోవా, చెడ్డవాళ్ల నుండి నన్ను రక్షించు,దౌర్జన్యం చేసేవాళ్ల నుండి నన్ను కాపాడు;+
2 వాళ్లు తమ హృదయాల్లో దుష్ట పన్నాగాలు పన్నుతారు,+రోజంతా గొడవలు పుట్టిస్తారు.
3 వాళ్లు పాము నాలుకలా తమ నాలుకకు పదును పెడతారు;+వాళ్ల పెదాల వెనక పాము విషం ఉంది.+ (సెలా)
4 యెహోవా, దుష్టుల చేతుల్లో నుండి నన్ను రక్షించు;+దౌర్జన్యం చేసేవాళ్ల నుండి నన్ను కాపాడు,
వాళ్లు నన్ను పడేయడానికి పన్నాగాలు పన్నుతున్నారు.
5 అహంకారులు నా కోసం చాటుగా ఉచ్చు పెట్టారు;తాళ్లతో పేనిన వలను దారి పక్కన పరిచారు.+
నా కోసం ఉరులు పెట్టారు.+ (సెలా)
6 నేను యెహోవాతో ఇలా అన్నాను: “నువ్వే నా దేవుడివి.
యెహోవా, సహాయం కోసం నేను చేసే విన్నపాలు ఆలకించు.”+
7 సర్వోన్నత ప్రభువైన యెహోవా, బలమైన నా రక్షకుడా,యుద్ధం జరిగే రోజున నువ్వు నా తలను కాపాడతావు.+
8 యెహోవా, దుష్టులు కోరుకునేవి వాళ్లకు ఇవ్వకు.
వాళ్ల కుట్రల్ని సఫలం కానివ్వకు, లేదంటే వాళ్లు రెచ్చిపోతారు.+ (సెలా)
9 నన్ను చుట్టుముట్టినవాళ్ల పెదాలు పలికిన కీడువాళ్ల తలల మీదికే రావాలి.+
10 వాళ్ల మీద నిప్పులు కురవాలి.+
వాళ్లు అగ్నిలోకి విసిరేయబడాలి,మళ్లీ పైకి రాకుండా లోతైన గుంటల్లోకి* పడేయబడాలి.+
11 ఇతరుల మీద లేనిపోనివి చెప్పేవాళ్లకు భూమ్మీద* చోటే దొరకకూడదు.+
దౌర్జన్యం చేసేవాళ్లను కీడు తరిమి నాశనం చేయాలి.
12 యెహోవా దీనుల తరఫున వాదిస్తాడని,పేదవాళ్లకు న్యాయం జరిగేలా చూస్తాడని నాకు తెలుసు.+
13 నీతిమంతులు తప్పకుండా నీ పేరుకు కృతజ్ఞతలు చెప్తారు;నిజాయితీపరులు నీ సన్నిధిలో నివసిస్తారు.+
