కీర్తనలు 23:1-6
దావీదు శ్రావ్యగీతం.
23 యెహోవా నా కాపరి.+
నాకు ఏ లోటూ ఉండదు.+
2 పచ్చికబయళ్లలో ఆయన నన్ను పడుకోబెడతాడు;నీళ్లున్న విశ్రాంతి స్థలాలకు* నన్ను నడిపిస్తాడు.+
3 ఆయన నా ప్రాణాన్ని సేదదీరుస్తాడు.+
తన పేరు కోసం నీతి మార్గాల్లో నన్ను నడిపిస్తాడు.
4 గాఢాంధకార లోయలో నడిచినా,+హాని కలుగుతుందని నేను భయపడను,+ఎందుకంటే నువ్వు నాకు తోడుగా ఉన్నావు;+నీ దుడ్డుకర్ర, నీ చేతికర్ర నాకు ధైర్యాన్నిస్తాయి.*
5 నువ్వు నా శత్రువుల ముందు నాకు భోజన బల్లను సిద్ధం చేస్తావు.+
నా తలకు నూనె రాస్తావు;*+నా గిన్నె పొంగిపొర్లుతుంది.+
6 నీ మంచితనం, విశ్వసనీయ ప్రేమ జీవితాంతం నాకు తోడుంటాయి,నా జీవితమంతా నేను యెహోవా మందిరంలో నివసిస్తాను.+
అధస్సూచీలు
^ లేదా “ప్రశాంతమైన నీళ్ల దగ్గరికి” అయ్యుంటుంది.
^ లేదా “ఊరటనిస్తాయి.”
^ లేదా “నా తలను నూనెతో సేదదీరుస్తావు.”
