కీర్తనలు 50:1-23
ఆసాపు+ శ్రావ్యగీతం.
50 దేవాది దేవుడైన యెహోవా+ మాట్లాడాడు;తూర్పు నుండి పడమటి వరకు*ఆయన భూమిని పిలుస్తున్నాడు.
2 పరిపూర్ణ సౌందర్యంగల సీయోనులో+ నుండి దేవుడు ప్రకాశిస్తున్నాడు.
3 మన దేవుడు వస్తాడు, ఆయన మౌనంగా ఉండలేడు.+
ఆయన ముందు దహించే అగ్ని ఉంది,+ఆయన చుట్టూ గొప్ప తుఫాను రేగుతోంది.
4 తన ప్రజలకు తీర్పు తీర్చడానికి,+ఆయన పైనున్న ఆకాశాన్ని, భూమిని సాక్షులుగా పిలుస్తున్నాడు;+ ఆయన ఇలా అంటున్నాడు:
5 “నా విశ్వసనీయుల్ని, అంటే బలి ద్వారా నాతో ఒప్పందం చేసుకుంటున్నవాళ్లను+నా దగ్గరికి సమకూర్చండి.”
6 ఆకాశం ఆయన నీతిని ప్రకటిస్తోంది,ఎందుకంటే న్యాయమూర్తి దేవుడే. (సెలా)
7 “నా ప్రజలారా వినండి, నేను మాట్లాడబోతున్నాను;ఇశ్రాయేలూ, నేను నీ మీద సాక్ష్యం చెప్తాను.+
నేను దేవుణ్ణి, నీ దేవుణ్ణి.
8 నీ బలుల్ని బట్టో, ఎప్పుడూ నా ఎదుట ఉండే నీ సంపూర్ణ దహనబలుల్ని బట్టో+నేను నిన్ను గద్దించడం లేదు.
9 నీ ఇంటి నుండి ఎద్దును గానీ,నీ దొడ్ల నుండి మేకల్ని* గానీ తీసుకోవాల్సిన అవసరం నాకు లేదు.+
10 ఎందుకంటే, అడవిలోని ప్రతీ జంతువు,వేలాది పర్వతాల మీదున్న పశువులు నావే.+
11 పర్వతాల్లోని ప్రతీ పక్షి నాకు తెలుసు;+మైదానంలో ఉన్న లెక్కలేనన్ని జంతువులు నావే.
12 ఒకవేళ నాకు ఆకలేస్తే, నేను నీతో చెప్పను,ఎందుకంటే భూమి, దాని మీదున్న ప్రతీది నాదే.+
13 నేను ఎద్దుల మాంసం తింటానా?మేకల రక్తం తాగుతానా?+
14 దేవునికి బలిగా కృతజ్ఞతలు అర్పించు,+సర్వోన్నతునికి నీ మొక్కుబళ్లు చెల్లించు;+
15 కష్టకాలంలో నాకు మొరపెట్టు.+
నేను నిన్ను రక్షిస్తాను, నువ్వు నన్ను మహిమపరుస్తావు.”+
16 కానీ దుష్టుడితో దేవుడు ఇలా అంటాడు:
“నా నియమాల్ని తెలియజేయడానికి,+నా ఒప్పందం గురించి మాట్లాడడానికి నీకేం హక్కు ఉంది?+
17 ఎందుకంటే, క్రమశిక్షణ* నీకు అసహ్యం,నువ్వు నా మాటల్ని నిర్లక్ష్యం చేస్తూ ఉంటావు.*+
18 దొంగ కనబడినప్పుడు నువ్వు అతన్ని ఆమోదిస్తావు,*+వ్యభిచారులతో సహవాసం చేస్తావు.
19 నీ నోటితో చెడ్డవాటిని వ్యాప్తి చేస్తావు,నీ నాలుకతో మోసం చేస్తూ ఉంటావు.+
20 నువ్వు కూర్చుని నీ సహోదరునికి వ్యతిరేకంగా మాట్లాడతావు;+నీ సొంత సహోదరుని తప్పులు బయటపెడతావు.*
21 నువ్వు వీటిని చేసినప్పుడు నేను మౌనంగా ఉన్నాను,కాబట్టి నేనూ నీలాంటివాణ్ణే అని నువ్వు అనుకున్నావు.
కానీ ఇప్పుడు నేను నిన్ను గద్దిస్తాను,నీ మీద నాకున్న వ్యాజ్యాన్ని చెప్తాను.+
22 దేవుణ్ణి మర్చిపోయేవాళ్లారా,+ దయచేసి దీని గురించి ఆలోచించండి,లేకపోతే నేను మిమ్మల్ని ముక్కలుముక్కలుగా చీల్చేస్తాను, మిమ్మల్ని రక్షించేవాళ్లెవ్వరూ ఉండరు.
23 కృతజ్ఞతల్ని బలిగా అర్పించేవాళ్లు నన్ను మహిమపరుస్తున్నారు,+సరైన మార్గంలో స్థిరంగా నడిచేవాళ్లు,దేవుని రక్షణను చూస్తారు.”+
అధస్సూచీలు
^ లేదా “సూర్యోదయం నుండి సూర్యాస్తమయం వరకు.”
^ అక్ష., “మేకపోతుల్ని.”
^ లేదా “ఉపదేశం.”
^ అక్ష., “నీ వెనక్కి తోసేస్తూ ఉంటావు.”
^ లేదా “అతనితో చేరతావు” అయ్యుంటుంది.
^ లేదా “పేరు పాడుచేస్తావు.”
