కీర్తనలు 59:1-17
సంగీత నిర్దేశకునికి సూచన; “నాశనం చేయకు” అనే రాగంలో పాడాలి. దావీదు కీర్తన. మిక్తాము.* దావీదును చంపడం కోసం అతని ఇంటిని గమనిస్తూ ఉండమని సౌలు మనుషుల్ని పంపినప్పటిది.+
59 నా దేవా, నా శత్రువుల నుండి నన్ను కాపాడు;+నా మీదికి లేస్తున్న వాళ్ల నుండి నన్ను రక్షించు.+
2 చెడ్డపనులు చేసేవాళ్ల నుండి నన్ను కాపాడు,దౌర్జన్యం చేసే* వాళ్ల నుండి నన్ను రక్షించు.
3 ఇదిగో! వాళ్లు నా కోసం పొంచి ఉన్నారు;+యెహోవా, నేను తిరుగుబాటు గానీ పాపం గానీ చేయకపోయినా+బలవంతులు నా మీద దాడి చేస్తున్నారు.
4 నేను ఏ తప్పూ చేయకపోయినా, వాళ్లు పరుగెత్తుతూ నా మీద దాడి చేయడానికి సిద్ధమౌతున్నారు.
నేను మొరపెట్టినప్పుడు లేచి చూడు.
5 సైన్యాలకు దేవుడివైన యెహోవా, నువ్వు ఇశ్రాయేలు దేవుడివి.+
దేశాలన్నిటినీ పరిశీలించడానికి మేలుకో.
ద్రోహం చేసే దుష్టులెవ్వరి మీద కరుణ చూపించకు.+ (సెలా)
6 ప్రతీ సాయంత్రం వాళ్లు తిరిగొస్తారు;+కుక్కల్లా+ మొరుగుతూ,* నగరమంతా తిరుగుతారు.+
7 వాళ్ల నోరు చెడ్డమాటలు వెళ్లగక్కుతుంది;వాళ్ల పెదాలు కత్తుల్లాంటివి,+“వినేవాళ్లు ఎవరు?” అని వాళ్లు అంటారు.+
8 కానీ యెహోవా, నువ్వు వాళ్లను చూసి నవ్వుతావు;+దేశాలన్నిటినీ ఎగతాళి చేస్తావు.+
9 నా బలమా, నేను నీ కోసం కనిపెట్టుకొని ఉంటాను;+దేవుడే నా సురక్షితమైన ఆశ్రయం.*+
10 నా మీద విశ్వసనీయ ప్రేమ చూపించే దేవుడే నన్ను ఆదుకుంటాడు;+నా శత్రువుల పతనాన్ని ఆయన నాకు చూపిస్తాడు.+
11 వాళ్లను చంపకు, అలాచేస్తే నా ప్రజలు మర్చిపోతారు,నీ శక్తితో వాళ్లను చెల్లాచెదురు చేయి;
మా డాలువైన యెహోవా,+ వాళ్లను పడగొట్టు.
12 తమ నోటి పాపం వల్ల, తమ పెదాల మాటలవల్ల,శపించడం వల్ల, అబద్ధాలాడడం వల్లవాళ్లు తమ గర్వంలో చిక్కుకుపోవాలి.+
13 నీ కోపంతో వాళ్లను నాశనం చేయి;+వాళ్లను పూర్తిగా తుడిచిపెట్టేయి;దేవుడు యాకోబు మీద, అలాగే భూమంతటా పరిపాలిస్తున్నాడని వాళ్లు తెలుసుకునేలా చేయి.+ (సెలా)
14 సాయంత్రం వాళ్లను తిరిగిరానివ్వు;కుక్కల్లా మొరుగుతూ,* నగరమంతా తిరగనివ్వు.+
15 ఆహారం కోసం వాళ్లను అటూఇటూ తిరగనివ్వు;+వాళ్లను తృప్తి పొందనివ్వకు, వాళ్లకు విశ్రాంతి స్థలం దొరకనివ్వకు.
16 నేనైతే నీ శక్తి గురించి పాడతాను;+ఉదయాన్నే నీ విశ్వసనీయ ప్రేమ గురించి సంతోషంగా చెప్తాను.
నా సురక్షితమైన ఆశ్రయం,+కష్టకాలంలో నేను పారిపోయే స్థలం నువ్వే.+
17 నా బలమా, నిన్ను స్తుతిస్తూ నేను పాటలు పాడతాను,*+ఎందుకంటే నామీద విశ్వసనీయ ప్రేమ చూపించే దేవుడే నా సురక్షితమైన ఆశ్రయం.+
అధస్సూచీలు
^ లేదా “రక్తదాహం గల.”
^ లేదా “గుర్రుమంటూ.”
^ లేదా “ఎత్తైన స్థలం.”
^ లేదా “గుర్రుమంటూ.”
^ లేదా “సంగీతం వాయిస్తాను.”
