కీర్తనలు 74:1-23
మాస్కిల్‌.* ఆసాపు+ కీర్తన.
74 దేవా, మమ్మల్ని ఎందుకు శాశ్వతంగా విడిచిపెట్టేశావు?+
నువ్వు మేపే మంద మీద నీ కోపం ఎందుకు రగులుకుంది?*+
2 చాలాకాలం క్రితం నువ్వు సంపాదించుకున్న ప్రజల్ని*+ గుర్తుచేసుకో,నీ స్వాస్థ్యంగా నువ్వు విడిపించిన గోత్రాన్ని+ గుర్తుచేసుకో.
నువ్వు నివసించిన సీయోను పర్వతాన్ని+ గుర్తుచేసుకో.
3 దీర్ఘకాల శిథిలాల వైపు అడుగులు వేయి.+
పవిత్ర స్థలంలోని ప్రతీదాన్ని శత్రువులు నాశనం చేశారు.+
4 నీ ఆలయం* లోపల నీ శత్రువులు గర్జించారు.+
అక్కడ వాళ్లు తమ ధ్వజాలు నిలబెట్టారు.
5 వాళ్లు దట్టమైన అడవి మీదికి గొడ్డలి ఎత్తే మనుషుల్లా ఉన్నారు.
6 వాళ్లు గొడ్డళ్లతో, ఇనుప కడ్డీలతో ఆలయ చెక్కడాలన్నిటినీ+ పగలగొట్టారు.
7 వాళ్లు నీ పవిత్రమైన స్థలానికి నిప్పంటించారు.+
నీ పేరు పెట్టబడిన గుడారాన్ని కూల్చేసి, దాన్ని అపవిత్రపర్చారు.
8 “దేశంలోని దేవుని సమావేశ స్థలాలన్నిటినీ* తగలబెట్టాలి”
అని వాళ్లు, వాళ్ల పిల్లలు తమ హృదయాల్లో అనుకున్నారు.
9 మా కోసం అక్కడ ఒక్క సూచన కూడా కనిపించట్లేదు;ఒక్క ప్రవక్త కూడా మిగల్లేదు,ఇలా ఎంతకాలం ఉంటుందో మాలో ఎవరికీ తెలీదు.
10 దేవా, ఎంతకాలం విరోధులు నిన్ను దూషిస్తూ ఉంటారు?+
శత్రువులు నీ పేరును ఎప్పటికీ అవమానిస్తూనే ఉంటారా?+
11 నీ చేతిని, నీ కుడిచేతిని ఎందుకు వెనక్కి తీసుకున్నావు?+
నీ వస్త్రం మడతల్లో నుండి దాన్ని బయటికి తీసి, వాళ్లను అంతం చేయి.
12 చాలాకాలం నుండి దేవుడే నా రాజు,భూమ్మీద రక్షణ కార్యాలు చేసేది ఆయనే.+
13 నువ్వు నీ బలంతో సముద్రంలో అలజడి రేపావు;+నీళ్లలోని భారీ సముద్రప్రాణుల తలలు చితగ్గొట్టావు.
14 నువ్వు లివ్యాతన్‌* తలను* చితగ్గొట్టావు;ఎడారుల్లో నివసించే ప్రజలకు దాన్ని ఆహారంగా ఇచ్చావు.
15 నువ్వు ఊటల్ని, వాగుల్ని తెరిచావు;+జీవనదుల్ని ఎండిపోజేశావు.+
16 పగలు నీదే, రాత్రి నీదే.
వెలుగును, సూర్యుణ్ణి నువ్వే చేశావు.+
17 నువ్వే భూమి సరిహద్దులన్నిటినీ నియమించావు;+వేసవికాలాన్ని, చలికాలాన్ని నువ్వే చేశావు.+
18 యెహోవా, శత్రువుల దూషణల్ని గుర్తుచేసుకో,మూర్ఖులైన ప్రజలు నీ పేరును ఎలా అవమానిస్తున్నారో గుర్తుచేసుకో.+
19 నీ గువ్వ ప్రాణాన్ని అడవి మృగాలకు అప్పగించకు.
కష్టాల్లో ఉన్న నీ ప్రజల్ని శాశ్వతంగా మర్చిపోకు.
20 మాతో చేసిన ఒప్పందాన్ని గుర్తుచేసుకో,భూమ్మీది చీకటి స్థలాలు దౌర్జన్యం చేసేవాళ్ల నివాసాలతో నిండిపోయాయి.
21 నలిగిపోయిన వ్యక్తిని నిరాశతో వెనక్కి వెళ్లనివ్వకు;+దీనులు, పేదవాళ్లు నీ పేరును స్తుతించాలి.+
22 దేవా, లేచి నీ వ్యాజ్యాన్ని వాదించు.
మూర్ఖులు రోజంతా నిన్ను ఎలా దూషిస్తున్నారో గుర్తుచేసుకో.+
23 నీ శత్రువులు అంటున్న మాటల్ని మర్చిపోకు.
నిన్ను ఎదిరిస్తున్నవాళ్ల కేకలు ఆకాశాన్ని అంటుతున్నాయి.
అధస్సూచీలు
^ అక్ష., “పొగ రాజుకుంది?”
^ అక్ష., “నీ సమాజాన్ని.”
^ లేదా “నీ సమావేశ స్థలం.”
^ లేదా “దేవుణ్ణి ఆరాధించే స్థలాలన్నిటినీ.”
^ అక్ష., “తలల్ని.”
