కీర్తనలు 90:1-17
సత్యదేవుని సేవకుడైన మోషే ప్రార్థన.+
90 యెహోవా, తరతరాలుగా నువ్వే మా నివాస స్థలానివి.*+
2 పర్వతాలు పుట్టకముందు,భూమిని, పండే నేలను నువ్వు ఉనికిలోకి* తేకముందు,+యుగయుగాలు* నువ్వే దేవుడివి.+
3 నువ్వు మనుషుల్ని తిరిగి మట్టికి చేరేలా చేస్తున్నావు;“మనుషులారా, తిరిగిరండి” అని అంటున్నావు.+
4 నీ దృష్టికి వెయ్యి సంవత్సరాలు గడిచిపోయిన నిన్నటిలా,+రాత్రిపూట ఒక జాములా ఉన్నాయి.
5 నువ్వు వాళ్లను తుడిచిపెట్టేస్తావు;+ వాళ్లు కేవలం ఒక కలలా మాయమైపోతారు;ఉదయం వాళ్లు చిగురించే పచ్చగడ్డిలా ఉంటారు.+
6 పొద్దున అది వికసించి కొత్తగా చిగురిస్తుంది,కానీ సాయంత్రంకల్లా వాడిపోయి ఎండిపోతుంది.+
7 ఎందుకంటే, నీ కోపం మమ్మల్ని దహించేస్తోంది,+నీ ఆగ్రహం వల్ల మేము హడలిపోతున్నాం.
8 నువ్వు మా తప్పుల్ని నీ ఎదుట ఉంచుకున్నావు;*+మేము రహస్యంగా చేసిన పనులు నీ ముఖకాంతిలో వెల్లడౌతున్నాయి.+
9 నీ కోపం వల్ల మా రోజులు* తగ్గిపోతున్నాయి;మా సంవత్సరాలు నిట్టూర్పులా ముగిసిపోతున్నాయి.
10 మా ఆయుష్షు 70 సంవత్సరాలు,మరీ ఎక్కువ బలం ఉంటే 80 సంవత్సరాలు.+
కానీ అవి కష్టాలతో, కన్నీళ్లతో నిండివుంటాయి;అవి ఇట్టే గడిచిపోతాయి, మేము లేకుండాపోతాం.*+
11 నీ కోపం తీవ్రతను ఎవరు అర్థంచేసుకోగలరు?
నీ ఆగ్రహం నీకు చెందాల్సిన భక్తి అంత గొప్పది.+
12 మేము తెలివిగల హృదయం సంపాదించుకునేలామా రోజులు లెక్కపెట్టడం మాకు నేర్పించు.+
13 యెహోవా, తిరిగి రా! ఇంకా ఎంతకాలం ఇలా?+
నీ సేవకుల మీద జాలి చూపించు.+
14 ఉదయం నీ విశ్వసనీయ ప్రేమతో మమ్మల్ని తృప్తిపర్చు,+అప్పుడు మా రోజులన్నిట్లో మేము సంతోషంతో కేకలు వేస్తూ ఉల్లసిస్తాం.
15 నువ్వు మమ్మల్ని కష్టాలపాలు చేసిన రోజులకు తగ్గట్టు,మేము విపత్తు అనుభవించిన సంవత్సరాలకు తగ్గట్టు+ మమ్మల్ని సంతోషపెట్టు.+
16 నీ సేవకులు నీ కార్యాన్ని చూడాలి,వాళ్ల కుమారులు నీ వైభవాన్ని చూడాలి.+
17 మా దేవుడైన యెహోవా చల్లనిచూపు మామీద ఉండాలి;మా చేతుల పనిని నువ్వు వర్ధిల్లజేయాలి.*
అవును, మా చేతుల పనిని వర్ధిల్లజేయి.*+
అధస్సూచీలు
^ లేదా “మా ఆశ్రయానివి” అయ్యుంటుంది.
^ లేదా “పురిటినొప్పులతో కన్నట్టు ఉనికిలోకి.”
^ లేదా “శాశ్వతకాలం నుండి శాశ్వతకాలం వరకు.”
^ లేదా “మా తప్పులు నీకు తెలుసు.”
^ లేదా “జీవితం.”
^ లేదా “ఎగిరిపోతాం.”
^ లేదా “స్థిరపర్చాలి.”
^ లేదా “స్థిరపర్చు.”
