జెకర్యా 10:1-12
10 “కడవరి వాన* కోసం యెహోవాను వేడుకోండి.
కారుమబ్బులు కమ్ముకునేలా చేసేది యెహోవాయే,ప్రజల కోసం వర్షాలు కురిపించేది ఆయనే,+ప్రతీ ఒక్కరి కోసం పొలాల్లో పంట పండేలా చేసేది ఆయనే.
2 గృహదేవతలు మోసపూరితంగా* మాట్లాడాయి;సోదె చెప్పేవాళ్లు బూటకపు దర్శనాలు చూశారు.
వాళ్లు వ్యర్థమైన కలల గురించి మాట్లాడతారు,ఓదార్చడానికి వాళ్లు చేసే ప్రయత్నాలన్నీ వ్యర్థమే.
అందుకే ప్రజలు గొర్రెల్లా అటూఇటూ తిరుగుతారు.
కాపరి లేకపోవడం వల్ల బాధపడతారు.
3 కాపరుల మీద నా కోపం రగులుకుంటుంది,అణచివేసే నాయకుల్ని* నేను లెక్క అడుగుతాను;ఎందుకంటే, సైన్యాలకు అధిపతైన యెహోవా తన మంద అయిన యూదా ఇంటివాళ్ల మీద దృష్టి పెట్టాడు,+ఆయన వాళ్లను యుద్ధంలోని తన రాచగుర్రంలా చేశాడు.
4 అతని* నుండి ప్రధానుడు* వస్తాడు,అతని నుండి మద్దతిచ్చే పరిపాలకుడు* వస్తాడు,అతని నుండి యుద్ధపు విల్లు వస్తుంది;ప్రతీ పర్యవేక్షకుడు అతని నుండే వస్తాడు, వాళ్లంతా కలిసి బయల్దేరతారు.
5 వాళ్లు యోధుల్లా అవుతారు,యుద్ధంలో వీధుల బురద తొక్కుకుంటూ వెళ్తారు.
వాళ్లు యుద్ధం చేస్తారు, ఎందుకంటే యెహోవా వాళ్లకు తోడున్నాడు;+గుర్రపురౌతులు అవమానం పాలౌతారు.+
6 నేను యూదా ఇంటివాళ్లను బలశాలుల్ని చేస్తాను,యోసేపు ఇంటివాళ్లను కాపాడతాను.+
వాళ్లను ఒకప్పటి స్థితికి తీసుకొస్తాను,ఎందుకంటే నేను వాళ్లమీద కరుణ చూపిస్తాను;+వాళ్లు, నేను అసలెన్నడూ వెళ్లగొట్టని ప్రజల్లా తయారౌతారు.+నేను వాళ్ల దేవుడైన యెహోవాను, నేను వాళ్ల ప్రార్థనలకు జవాబిస్తాను.
7 ఎఫ్రాయిము వాళ్లు బలమైన యోధుల్లా అవుతారు,ద్రాక్షారసం తాగినట్టు వాళ్ల హృదయం సంతోషిస్తుంది.+
వాళ్ల కుమారులు దీన్ని చూసి సంతోషిస్తారు;యెహోవాను బట్టి వాళ్ల హృదయాలు సంతోషిస్తాయి.+
8 ‘నేను ఈల వేసి వాళ్లందర్నీ ఒక్కచోటికి తెస్తాను;నేను వాళ్లను విడిపిస్తాను,+ వాళ్లు ఎక్కువమంది అవుతారు,వాళ్ల సంఖ్య పెరుగుతూనే ఉంటుంది.
9 నేను వాళ్లను ప్రజల మధ్య విత్తనాల్లా వెదజల్లినా,సుదూర దేశాల్లో వాళ్లు నన్ను గుర్తుచేసుకుంటారు;వాళ్లు, వాళ్ల కుమారులు బలం పుంజుకుని తిరిగొస్తారు.
10 నేను వాళ్లను ఐగుప్తు* దేశం నుండి వెనక్కి తీసుకొస్తాను,అష్షూరు నుండి పోగుచేస్తాను;+వాళ్లందరికీ సరిపడా స్థలం ఉండకపోవడం వల్ల+నేను వాళ్లను గిలాదు దేశానికి, లెబానోను దేశానికి తీసుకొస్తాను.+
11 సముద్రం వాళ్ల దారిని అడ్డగించినప్పుడు,నేను దాని గుండా వెళ్లి దాని అలల్ని చెదరగొడతాను;+నైలు నది వాళ్లకు అడ్డు వచ్చినప్పుడు, నేను దాని నీళ్లన్నిటినీ ఆరిపోజేస్తాను.
అష్షూరు పొగరు అణచివేయబడుతుంది,ఐగుప్తు రాజదండం తీసేయబడుతుంది.+
12 యెహోవానైన నేనే వాళ్లను బలశాలుల్ని చేస్తాను,+వాళ్లు నా పేరును ఘనపర్చే విధంగా నడుచుకుంటారు’+ అని యెహోవా ప్రకటిస్తున్నాడు.”
అధస్సూచీలు
^ కడవరి వానలు దాదాపు ఏప్రిల్‌ మధ్యలో మొదలయ్యేవి. అనుబంధం B15 చూడండి.
^ లేదా “దుష్టశక్తుల నుండి వచ్చిన మాటలు; అంతుచిక్కని మాటలు.”
^ అక్ష., “మేకపోతుల్ని.”
^ అంటే, యూదా.
^ అక్ష., “మూలలోని బురుజు.” ఈ పదం ప్రముఖునికి (ప్రధానుడికి) చిత్రీకరణగా ఉంది.
^ లేదా “మేకు.” ఈ పదం మద్దతిచ్చే వ్యక్తికి (పరిపాలకునికి) చిత్రీకరణగా ఉంది.
^ లేదా “ఈజిప్టు.”
